«Դի-Վի-Վի Ինթերնեյշնալ» (Գերմանիայի ժողովրդական բարձրագույն դպրոցների միության միջազգային համագործակցության ինստիտուտ) կազմակերպությունը հիմնադրվել է 1969 թ. Գերմանիայում։ Այն ցանցային միջազգային հասարակական կազմակերպություն է, որը գործում է ավելի քան 30 երկրում ՝ նպաստելով մեծահասակների ուսումնառությանն ու կրթությանը (ՄՈՒԿ) և ողջ կյանքի ընթացքում կրթության իրավունքի և հնարավորությունների իրացմանը:
«Դի-Վի-Վի Ինթերնեյշնալ»-ի հայաստանյան գրասենյակը հիմնվել է 2002 թ.՝ վերջին երկու տասնամյակների ընթացքում դառնալով Հայաստանում մեծահասակների կրթության և ցկյանս ուսումնառության ներդրման և զարգացման առանցքային դերակատար՝ Գերմանիայի տնտեսական համագործակցության և զարգացման դաշնային նախարարության ֆինանսավորմամբ:
Հայաստանում մեծահասակների ուսումնառությունն ու կրթությունը խթանելու նպատակով «Դի-Վի-Վի Ինթերնեյշնալի» հիմնական գործունեությունը ծավալվել է մի քանի առանցքային ուղղություններով․
1․ քաղաքականության և համակարգային փոփոխությունների ջատագովություն,
2․ ՄՈՒԿ կազմակերպությունների և մասնագետների կարողությունների զարգացում,
3․ ՄՈՒԿ դասընթացներ և նախաձեռնություններ շահառուների համար Մեծահասակների կրթության 4 կենտրոնների միջոցով։
«Դի-Վի-Վի Ինթերնեյշնալը» պարբերաբար իրականացնում է նաև տարածաշրջանային կարևորության ծրագրեր, ինչպես նաև ստանում է լրացուցիչ ֆինանսավորում (Եվրոպական միություն, Գերմանիայի արտաքին գործերի նախարարություն), որոնք հնարավորություն են տալիս ընդլայնելու գործունեության շրջանակը։ Նման ծրագրերի իրականացումը նպաստել է Հայաստանում հետևյալ բնագավառներում մեծահասակների կրթության ներառմանը և կարևորմանը.
- թանգարանային կրթություն,
- բանտային կրթություն,
- խոցելի մեծահասակների մեդիագրագիտություն,
- ուսուցիչների մասնագիտական կարողություններ,
- բանավոր պատմությունը որպես պատմական անցյալին առերեսվելու մեթոդ,
- տեղահանված անձանց սոցիալական ինտեգրում և այլն:
Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.dvv-international.am։
Ֆեյսբուքյան էջ՝ www.facebook.com/DVVInternationalArmenia
Հասցե՝ ք. Երևան, Նալբանդյան 37, բն․ 13, 0001
Էլհասցե՝ info@dvv-international.am
