Ուսման վարձավճարի փոխհատուցման հնարավորություն ուսանողների համար․ ԵՊՀ-ի և «Ամիօ բանկ» ՓԲԸ-ի միջև ստորագրվել է համագործակցության հուշագիր
Կարևորելով կրթության դերը որպես երկրի զարգացման հիմնական ռեսուրսի՝ մարդկային կապիտալի զարգացման որոշիչ գործոն, ինչպես նաև կրթական ծառայությունների մատչելիության ու հասանելիության բարձրացմանն ուղղված քայլերը՝ ԵՊՀ-ի և «Ամիօ բանկ» ընկերության միջև կնքվել է համագործակցության հուշագիր։
![](/sites/default/files/styles/large_slide/public/2024-06/00_2.jpg?h=02cb7f90&itok=sEi83K0-)
Բանկը նախաձեռնել է ուսանողների կրթության ֆինանսավորման «Ամիօ ժամանակաշրջան» ծրագիրը, որի շրջանակում մրցութային կարգով ընտրելու և փոխհատուցելու է ԵՊՀ 1-3-րդ կուրսերի՝ բարձր առաջադիմություն ունեցող և ֆինանսապես անապահով ուսանողների մեկ ուսումնական տարվա ուսման վճարը, հետագայում կազմակերպելու է նրանց պրակտիկան բանկում, իսկ լավագույն շրջանավարտներին ընդունելու է աշխատանքի:
Բացի դրանից՝ համատեղ կազմակերպվելու են քննարկումներ, հանդիպումներ, գիտաժողովներ ու սեմինարներ:
Բանկի կողմից իրականացվող ծրագրին մասնակցելու և մանրամասներին ծանոթանալու համար անհրաժեշտ է այցելել այստեղ։