ԵՊՀ-ՈՒՄ ԷՐ ՀՀ-ՈՒՄ ՎՐԱՍՏԱՆԻ ԴԵՍՊԱՆԸ

Դեսպանը ներկայացրել է լեզվի և քաղաքականության կապը, խորհրդային տարիներին լեզվական քաղաքականության առանձնահատկությունները, որևէ լեզվի գերակա դառնալու շարժառիթները և դրա ունեցած հետևանքները, ինչպես նաև վերլուծել է Վրաստանի Հանրապետության պատմության որոշ դրվագներ: Դասախոսությունից հետո ՀՀ-ում Վրաստանի արտակարգ և լիազոր դեսպանը պատասխանել է ներկաներին հետաքրքրող հարցերին:

Դասախոսությանը ներկա էին ԵՊՀ ռեկտոր Հովհաննես Հովհաննիսյանը, միջազգային համագործակցության վարչության պետ Ալեքսանդր Մարգարովը, ԵՊՀ պրոֆեսորադասախոսական անձնակազմի ներկայացուցիչներ և տարբեր ֆակուլտետների ուսանողներ:

Նշենք, որ Հայաստանում տարբեր երկրների դեսպանությունների և հյուպատոսությունների ներկայացուցիչների հետ ԵՊՀ-ում պարբերաբար կազմակերպվում են նմանօրինակ հանդիպումներ, որոնք նպատակ ունեն ընդլայնելու ԵՊՀ-ի միջազգային կապերը և ամրապնդելու համագործակցությունը տարբեր երկրների բարձրագույն ուսումնական հաստատությունների հետ: