Ներշնչանքի տեխնիկան թերապիայում
Մարտի 27-ին ԵՊՀ փիլիսոփայության և հոգեբանության ֆակուլտետի ՈւԳԸ-ի նախաձեռնությամբ տեղի ունեցավ «Ներշնչանքի տեխնիկան թերապիայում» թեմայով սեմինարը: Բանախոսն էր ԵՊՀ փիլիսոփայության և հոգեբանության ֆակուլտետի ընդհանուր հոգեբանության ամբիոնի դասախոս, հ.գ.թ, դոցենտ Հ. Հովհաննիսյանը:
Սեմինարի ընթացքում քննարկվեցին մի շարք հարցեր կապված ներշնչանքի, թերապիայում դրա կիրառման և արդյունավետության մակարդակի մասին։ Քննարկման արդյունքում մասնակիցները տեղեկացան ներշնչանքի միջոցով սոմատիկ խանգարումների հնարավոր բուժման մասին։ Այնուհետև քննարկվեցին նաև մասնավոր օրինակներ, որոնք ապացուցում էին ներշնչանքի կարևորությունը։ Մասնակիցները ևս հայտնեցին իրենց կարծիքը, տվեցին իրենց հուզող հարցերը ներշնչանքի տեխնիկայի վերաբերյալ և ստացան սպառիչ պատասխաններ:
Հեղինակ՝ Սուսաննա Շահբազյան