Кафедра психологии личности

Անձի հոգեբանության ամբիոնը ֆակուլտետի կազմում գործում է 2009 թ.-ից: 

Ամբիոնի գործունեության նպատակներն են՝
- Նպաստել անձի հոգեբանության և զարգացման (տարիքային) հոգեբանության ոլորտներում երկարատև գիտական նախագծերի իրականացմանը և Հայաստանում անձի հոգեբանության ֆունդամենտալ և կիրառական բնագավառի կայացմանը:
-Կրթական տարբեր աստիճանների համար (բակալավրիատ, մագիստրատուրա, ասպիրանտուրա, հետբուհական կրթություն) մշակել և ներդնել անձի հոգեբանության բնագավառի հետ անռչվող նորարարական դասընթացներ և կրթական ծրագրեր։

Ամբիոնի գիտական ուղղվածությունը

• Սոցիալ-մշակութային փոփոխությունների պայմաններում անձի վարքային կողմնորոշիչների՝ արժեքների, համոզմունքների և դիրքորոշումների ուսումնասիրություն:
• Անձի սուբյեկտիվ բարեկեցության վերաբերյալ համոզմունքների ու դիրքորոշումների ուսումնասիրություն:
• Կրթական համակարգի բարեփոխումների պայմաններում անձնային աճի և սոցիալական կարողությունների ուսումնասիրություն:
  
  Անձի հոգեբանության ամբիոնի հետևյալ առարկայական ծրագրերը ներգրավված են «Հոգեբանություն» մասնագիտության բակալավրիատի ուսումնական ծրագրում.
• Դիֆերենցիալ հոգեբանություն և պրակտիկում
• Անձի հոգեբանություն
• Անձի տեսություններ
• Տարիքային հոգեբանություն
• Կրթության հոգեբանություն
• Հոգեբանական խորհրդատվություն և պրակտիկում
• Անձնային աճի պրակտիկում
• Մանկան հոգեախտորոշում
• Սեռային վարքի հոգեբանություն
• Հոգեբանական ծառայությունը դպրոցում
  
  Ամբիոնը պատրաստում է մասնագետներ երկու մագիստրոսական ծրագրերով.
  - «Անձի հոգեբանություն և հոգեբանական խորհրդատվություն» 
  - «Մանկական հոգեբանություն և հոգեթերապիա»
  
  Ամբիոնում մշակվել և իրականացվում է դասընթաց ասպիրանտուրայում․
• «Անձնային աճ և ինքնակարգավորում»

2011թ. ամբիոնին կից  գործում է «Անձ և սոցիալական միջավայր» գ/հ լաբորատորիան։ 

2020 թվականից Անձի հոգեբանության ամբիոնը, միավորելով ԵՊՀ հոգեբաններին, մեկնարկել է ուսանողներին հոգեբանական աջակցության տրամադրման նախագիծ
(Հոգեբանական Աջակցության և Փոխօգնության Հարթակ)՝ նպատակ ունենալով ստեղծելու փոխօգնության միջավայր և աջակցելու ԵՊՀ և այլ բուհերի ուսանողներին: