Между ЕГУ и Арбитражным и медиационным центром Армении подписан меморандум о сотрудничестве
Между юридическим факультетом ЕГУ и Арбитражным и медиационным центром Армении подписан меморандум о сотрудничестве, цель которого - содействие совершенствованию юридического образования и научных исследований в области альтернативного разрешения споров.
![](/sites/default/files/styles/large_slide/public/2024-04/10_7.jpg?h=02cb7f90&itok=hfkjL28Z)
ԵՊՀ իրավագիտության ֆակուլտետի դեկան Հարություն Խաչիկյանը, կարևորելով հուշագրի կնքումը, նշեց, որ ֆակուլտետը տարբեր կառույցների հետ, այդ թվում՝ պետական և հասարակական, պարբերաբար բազմաթիվ հուշագրեր է կնքել՝ հաստատելով արդյունավետ համագործակցություն։
![](/sites/default/files/styles/large_half_text/public/2024-04/06_20.jpg?itok=rfDHOPD4)
«Հայտնի է, որ աշխարհում կան վեճերի լուծման այլընտրանքային բազմաթիվ եղանակներ, որոնք գտնվում են զարգացման տարբեր փուլերում՝ իրենց ազդեցությունն ունենալով իրավաբանական և գիտահետազոտական գործունեության ոլորտների վրա։ Լիահույս եմ, որ այս համագործակցությամբ կնպաստենք ուսանողների գիտելիքների հարստացմանը նաև այս բնագավառում»,- ընդգծեց Հ․ Խաչիկյանը։
Հուշագրով ամրագրված դրույթների համաձայն՝ ԵՊՀ իրավագիտության ֆակուլտետի բակալավրի և մագիստրոսական կրթական ծրագրերի ուսանողները հնարավորություն կունենան պրակտիկա անցնելու Արբիտրաժի և հաշտարարության հայաստանյան կենտրոնում։ Կենտրոնը նաև իր հնարավորության սահմաններում աջակցություն կցուցաբերի վեճերի այլընտրանքային լուծման բնագավառում կազմակերպվող ներպետական և միջազգային դատախաղերին մասնակցող Իրավագիտության ֆակուլտետի թիմերին։ Ըստ հուշագրի դրույթների՝ կենտրոնը ԵՊՀ իրավագիտության ֆակուլտետում կատարվող գիտական հետազոտությունների համար կտրամադրի նաև պրակտիկ նյութեր, փաստաթղթեր, վիճակագրական տվյալներ և անհրաժեշտ այլ նյութեր։
Արբիտրաժի և հաշտարարության հայաստանյան կենտրոնի տնօրեն Տաթևիկ Մատինյանը, ուսանողներին ներկայացնելով կենտրոնի գործունեությունը, շեշտեց, որ այն թեպետ ստեղծվել է ամիսներ առաջ, սակայն կարևոր դերակատարում ունի հատկապես այն մարդկանց շրջանում, որոնք, հնարավոր է, հետագայում դառնան արբիտրներ, հաշտարարներ կամ էլ փաստաբաններ, որոնք իրենց վստահորդներին կուղղորդեն վեճերի լուծման այլընտրանքային հարթակ։
![](/sites/default/files/styles/large_half_text/public/2024-04/08_13.jpg?itok=B_WuEWON)
«Վերջերս մենք ունեցանք աննախադեպ մի գործ․ առաջին անգամ Հայաստանում հաջողությամբ կիրառվեց համահաշտարարությունը։ Շուրջ 5 տարի դատարանում քննվող վեճը, որի կողմերը հարևաններ էին, տեղափոխվեց արտադատական հարթակ՝ Արբիտրաժի և հաշտարարության հայաստանյան կենտրոն։ Մեզ մոտ գրանցվելուց մինչև վերջնական վճիռն ստանալու պահը տևեց ընդամենը մեկ շաբաթ, իսկ բուն հաշտարարության գործընթացը՝ 2,5 ժամ»,- ասաց Տաթևիկ Մատինյանը՝ ընդգծելով, որ բոլոր այն երկրներում որտեղ զարգացած են արբիտրաժն ու հաշտարարությունը, մեծապես բեռնաթափվում են դատարանները։
Հանդիպման շրջանակում ուսանողները մանրամասն ծանոթացան արբիտրաժի և հաշտարարության ինստիտուտին, մասնավորապես այլընտրանքային վեճերի լուծման տարբերակներին, ոլորտի զարգացումներին, կենտրոնի աշխատանքային գործունեությանը, ինչպես նաև հետագա համագործակցության հնարավոր հեռանկարներին։
Նշենք, որ հանդիպումն անցկացվեց ԵՊՀ շրջանավարտների և կարիերայի կենտրոնի աջակցությամբ։