Образование и работа: прошла ярмарка вакансий

В рамках программы Армянского всеобщего благотворительного союза (AGBU) «Учись и зарабатывай. Арцах» при сотрудничестве с Ереванским Государственным университетом и Международным университетом «Евразия» в отеле «Армения Мариотт» прошла первая ярмарка вакансий «Новые карьерные возможности и перспективы». Цель ярмарки - поддержать социально-экономическую интеграцию наших соотечественников, вынужденно перемещенных из Арцаха, в Республику Армения, способствуя повышению их конкурентоспособности на рынке труда и решению проблем занятости.

Տոնավաճառի շրջանակում անցկացվեցին հանդիպումներ 40-ից ավելի առաջատար կազմակերպությունների ներկայացուցիչների հետ, կրթական միջոցառումներ՝ ուղղված աշխատանք գտնելու հմտությունների զարգացմանը, կլոր սեղան-քննարկումներ՝ առկա խնդիրների և մարտահրավերների շուրջ:

ԵՊՀ զարգացման և նորարարությունների գծով պրոռեկտոր Միքայել Հովհաննիսյանը, ողջունելով միջոցառման մասնակիցներին, ընդգծեց, որ այսօրինակ նախաձեռնությունները բացառիկ հնարավորություն են՝ համատեղելու կրթությունն ու աշխատանքը: Նա շեշտեց, որ տոնավաճառը ճիշտ ժամանակին է կազմակերպվել՝ կարիերայի նոր ուղիներ բացելով մեր հայրենակիցների համար: ԵՊՀ պրոռեկտորը հույս հայտնեց, որ միջոցառումը կդառնա բազմաթիվ հաջող համագործակցությունների սկիզբ:

ԵՊՀ շրջանավարտների և կարիերայի կենտրոնի փոխտնօրեն Կարինե Նազարյանը նշեց, որ միջոցառման շրջանակում կազմակերպվեցին մասնագիտական զարգացմանն ուղղված մի շարք դասընթացներ, որոնք անցկացվեցին երեք տարբեր սրահներում։ Դասընթացավարները մասնակիցներին ներկայացրին սեփական հմտությունները ճիշտ ներկայացնելու և գործատուների հետ արդյունավետ կապեր հաստատելու ուղիները:

Տոնավաճառում ներկայացված էին ավելի քան 20 թափուր աշխատատեղեր տարբեր ոլորտներում, ինչը մասնակիցներին հնարավորություն տվեց անմիջապես դիմելու գործատուին:

Նշենք, որ Հայկական բարեգործական ընդհանուր միության «Սովորի՛ր և վաստակի՛ր․ Արցախ» ծրագիրն իրականացվում է HEKS/EPER կազմակերպության ֆինանսավորմամբ, «Շեն» բարեգործական հիմնադրամի ու «Սյունիք-Զարգացում» ՀԿ-ի հետ համատեղ:

Երևանի պետական համալսարանը մշտապես աջակցում և շարունակելու է աջակցել նմանօրինակ նախաձեռնություններին՝ նպաստելով աշխատաշուկայի պահանջներին համապատասխան մասնագետների պատրաստմանը:

Ավելին՝ տեսանյութում։