Ноября 28, 2019 | 17:04
Կրթություն
«ԿԼԻՄԱՅԻ ԳԼՈԲԱԼ ՓՈՓՈԽՈՒԹՅՈՒՆ» ԹԵՄԱՅՈՎ ԴԱՍԱԽՈՍՈՒԹՅՈՒՆ ԵՐԵՎԱՆԻ Գ. ԳՅՈՒԼԲԵՆԿՅԱՆԻ ԱՆՎԱՆ ԹԻՎ 190 ԱՎԱԳ ԴՊՐՈՑԻ ԱՇԱԿԵՐՏՆԵՐԻ ՀԱՄԱՐ
Երևանի պետական համալսարանի աշխարհագրության և երկրաբանության ֆակուլտետի դասախոս Մամիկոն Եփրեմյանը դասախոսություն է կարդացել Երևանի թիվ 190 ավագ դպրոցի աշակերտների համար։
ԵՊՀ մինչհամալսարանական կրթության վարչության կողմից կազմակերպված դասախոսության նպատակն է օգնել աշակերտներին մասնագիտական կողմնորոշման հարցում։
Ֆիզիկական աշխարհագրության և ջրաօդերևութաբանական ամբիոնի դասախոսը 11-րդ և 12-րդ դասարանների աշակերտների համար դասախոսություն է կարդացել «Կլիմայի գլոբալ փոփոխություն» թեմայով։
Դասախոսության ընթացքում Մ․Եփրեմյանը ներկայացրել է այն պատճառները, որոնք ամբողջ աշխարհում և Հայաստանում հանգեցրել են կլիմայական փոփոխությունների։ Նա պատմել է նաև դրանց պատճառների ու հետևանքների մասին։
Դասախոսության վերջում աշակերտները հարցեր են հղել բանախոսին ու հավելյալ տեղեկություն ստացել բնապահպանական կարևոր նորմերի վերաբերյալ։
