«ԱՌԱՋԻԿԱՅՈՒՄ ԿՈՒՆԵՆԱՆՔ ԵՊՀ ԳՐԱԴԱՐԱՆՈՒՄ ԱՌԿԱ ԳՐԱԴԱՐԱՆԱՅԻՆ ՈՂՋ ՖՈՆԴԻ ԱՐՏԱՑՈԼՈՒՄՆ ԱՌՑԱՆՑ ԿԱՏԱԼՈԳՈՒՄ». ԵՊՀ ԳՐԱԴԱՐԱՆԻ ՏՆՕՐԵՆ

- Պարո՛ն Միրզոյան, վերանորոգումից հետո արդյո՞ք նկատում եք ուսանողների այցելությունների աճ:

Հարկ է նշել, որ մեր ուսանողները բավականին հետևողական են գրադարանում տեղի ունեցող աշխատանքների նկատմամբ, և երբ ավարտվեցին մեր ընթերցասրահներից մեկի  վերանորոգման աշխատանքները, ուսանողները մեծ ոգևորությամբ սկսեցին այնտեղ այցելել՝ հաճելի միջավայրում գիրք կարդալու համար:

Նրանք խնամքով են վերաբերում նաև գրադարանի գույքին:

- Ինչպե՞ս կգնահատեք գրքերի թվայնացման գործընթացը:

- Մեծ ուրախությամբ պետք է նշեմ, որ առաջիկայում կունենանք ԵՊՀ գրադարանում առկա գրադարանային ողջ ֆոնդի արտացոլումն առցանց կատալոգում:

Թվային գրադարան ասելով՝ հասկանում ենք նաև թվային սպասարկումը, որն այսօր ամբողջությամբ կատարում ենք:

- Պարո՛ն Միրզոյան, իսկ ի՞նչ կմաղթեք Ձեր աշխատակիցներին՝ Գրադարանավարի օրվա կապակցությամբ:

Մեր բոլոր աշխատակիցներին մաղթում եմ հետաքրքիր աշխատանք, ցանկանում եմ նաև, որ մենք շուտ դուրս գանք այս համավարակային փուլից, որպեսզի ամբողջությամբ վերադառնանք մեր աշխատանքի բնականոն ընթացքին:

Իսկ անձնական կյանքում կմաղթեմ այն լավագույնը, ինչը կարելի է մաղթել մարդկանց:

Պողոսյան Անի