ԹԻՎ 54 ԱՎԱԳ ԴՊՐՈՑԻ ՍԱՆԵՐԸ ԼՍԵԼ ԵՆ «ԿԱՌԱՎԱՐՈՒՄ, ԱՌԱՋԱՐԿ ԵՎ ՊԱՀԱՆՋԱՐԿ» ԹԵՄԱՅՈՎ ԴԱՍԱԽՈՍՈՒԹՅՈՒՆ
Երևանի թիվ 54 ավագ դպրոցում տեղի է ունեցել հանդիպում դպրոցի աշակերտների ու ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի դոցենտ Նոնա Խաչատրյանի հետ:
![business-lecture-with-pupils](/sites/default/files/styles/large_slide/public/migrated/images/lSoKmDx3176gJyXSLTdlTeV687.jpg?h=bccd1fa5&itok=9SUQlx3u)
Մասնագիտական կողմնորոշման նպատակով տեղի ունեցած հանդիպումը կազմակերպել էր ԵՊՀ մինչհամալսարանական կրթության վարչությունը:
Հանդիպման ընթացքում Նոնա Խաչատրյանն ապագա ուսանողներին ներկայացրեց Տնտեսագիտության և կառավարման ֆակուլտետի կողմից առաջարկած մասնագիտական կրթության առանձնահատկությունները:
Այնուհետև Ն. Խաչատրյանը հանդես եկավ «Կառավարում, առաջարկ և պահանջարկ» թեմայով դասախոսությամբ, որի ընթացքում անդրադարձավ այնպիսի կարևոր թեմաների, ինչպիսիք են գործարարությամբ զբաղվելու պատճառներն ու մոտիվացիան:
Նա խոսեց նաև, թե ինչու է պետք զբաղվել գործարարությամբ հարցի մասին՝ աշակերտների համար պարզաբանելով անձնական շահն ու սոցիալական պատասխանատվության կարևորությունը:
Հանդիպման վերջում տնտեսագիտությամբ և գործարարությամբ հետաքրքրված աշակերտները հնարավորություն ունեցան հարցեր հղելու հյուրին: