ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ն ԱՅՑԵԼԵՑ ՏԱՎՈՒՇԻ ՄԱՐԶ
«Իրավական իրազեկում մարզերում» ծրագրի շրջանակում Տավուշի մարզի Մովսես և Այգեձոր գյուղերի դպրոցների ավագ դասարանների աշակերտներին ներկայացվեցին Երևանի պետական համալսարանում կրթություն ստանալու առավելությունները և ուսումնական գործընթացը։
![YSU-students-in-Tavush-region](/sites/default/files/styles/large_slide/public/migrated/images/As4lEXPOmJp2tIqqVwjpuMajeH.jpg?h=bccd1fa5&itok=f3vb6EM5)
Ուսանողները դպրոցականներին ծանոթացրին իրենց իրավունքներին ու պարտականություններին, ինչպես նաև ներկայացրին՝ ինչ են պետությունը, պետական ապարատը, իրավունքը։ Ստացված գիտելիքներն ամրապնդվեցին իրավիճակային խնդիրներով:
«Նման միջոցառումները երեխաների մեջ վառ են պահում մեծ նպատակներ սահմանելու և դրանց հասնելու ուժը»- ընդգծեց Այգեձորի դպրոցի տնօրենը:
Հանդիպման ավարտին աշակերտներն իրազեկված էին, իսկ երկուստեք հնչած շնորհակալական խոսքերը փաստում էին, որ հանդիպումը ստացված է:
Իրավագիտության ֆակուլտետի ՈՒԽ-ն կարևորում է հատկապես սահմանամերձ գյուղերի աշակերտների իրավագիտակցության մակարդակի բարձրացումը, ուստի նման հանդիպումները շարունակական են լինելու: