Աշխարհի արտասովոր հյուրանոցները

Սեմինարի բանախոսներն էին Սերվիս բաժնի 2-րդ կուրսի ուսանողուհիներ Արմինե Թովմասյանը և Մերի Գումրիկյանը։

Սեմինարի ընթացքում բանախոսների կողմից ներկայացվեցին իրենց իսկ կողմից ընտրված աշխարհի ամենաանսովոր հյուրանոցներն, որոնք ապշեցնում են հաճախորդներին իրենց կառուցվածքով, ճարտարապետական անսովոր լուծումներով և ինտերիերի դիզայնով։ Բացի նմանատիպ հյուրանոցներից ներկայացվեցին նաև այնպիսի հյուրանոցներ, որոնք առանձնանում են իրենց մատուցած եզակի և անսովոր ծառայություններով։

Սեմինարի ավարտին Սերվիս ամբիոնի լաբորանտ Մ. Փեթակչյանը հույս հայտնեց, որ տեղական հյուրանոցային ինդուստրիան կկարողանա այնքան զարգանալ և ինքնահաստատվել շուկայում, որ տվյալ ցանկում ուսանողները կկարողանան ընդգրկել նաև հայկական հյուրանոցներ։

Սեմինարի մասնակիցները առաջարկեցին ՈւԳԸ անդամներին հաճախակի անցկացնել նմանատիպ սեմինարներ, որոնց ընթացքում անդրադարձ կկատարվի ժամանակակից հյուրանոցային ինդուստրիայի նվաճումներին։

Հեղինակ՝ Արմինե Թովմասյան