Ապագա դասախոս.երբ կարդում են ուսանողները

Յուրաքանչյուր ուսանող ժամանակ առ ժամանակ մտածում է` կկարողանար արդյոք լինել դասախոս,կանգնել լսարանի առջև և ուսանողների համար անծանոթ նյութը բացատրել այնպես,որ հասանելի և ընկալելի լինի յուրաքանչյուրին:

ԵՊՀ իրավագիտության ֆակուլտետի ՈւԳԸ-ն ֆակուլտետի ուսանողներին ընձեռում է այդ հնարավորությունն:

Այս անգամ դասախոսություն կարդաց մագիստրատուրա 1-ին կուրսի ուսանողուհի Վիկտորյա Հակոբջանյանը` ‹‹Առողջապահական իրավունք›› թեմայով:

Լսարանին ներկայացվեց առողջապահության իրավական համակարգը, ներպետական օրենսդրությունը, միջազգային կարգավորումներն, ինչպես նաև օրենսդրական բացերն ու հակասական նորմերը: Ներկաները բանախոսին հնարավորություն ունեցան հղելու հարցեր` ստանալով դրանց հանգամանալից պատասխաններն: Առողջապահական ոլորտում առկա օրենսդրական բացերի շուրջ ծավալվեց հետաքրքիր քննարկում, որին մասնակցեցին նաև ֆակուլտետի պրոֆեսորադասախոսական կազմի ներկայացուցիչները:

Միջոցառման ավարտին ներկաներն ողջունեցին նախագիծը և առաջարկեցին հետագայում շարունակել այն` հնարավորություն տալով ուսանողներին գոնե մեկ անգամ հանդես գալ իբրև դասախոս:

Հեղինակ ` Վիկտորյա Հակոբջանյան