Подписан меморандум между ЕГУ и «AWE Consulting» - представителем «Котлер Импакт» в странах СНГ

Ректор ЕГУ Оганнес Оганнисян, декан факультета экономики и менеджмента ЕГУ Карлен Хачатрян и эксклюзивный представитель «Котлер Импакт» в странах СНГ региональный директор ООО «AWE Consulting» Мэри Григорян подписали Меморандум о сотрудничестве.

Հուշագրի նպատակն է կողմերի միջև հաստատել գործընկերային հարաբերություններ և իրականացնել համատեղ մի շարք ծրագրեր: Համագործակցության արդյունքում կհրատարակվի «Ժամանակակից մարքեթինգի հիմունքները. Հայաստանի հրատարակություն» գիրքը:

ԵՊՀ տնտեսագիտության և կառավարման ֆակուլտետի դեկան Կառլեն Խաչատրյանը, կարևորելով նման համագործակցությունը, նշեց, որ այն կօգնի ուսանողների համար մարքեթինգային տարբեր միջոցառումներին մասնակցելու հնարավորություններ ստեղծելու տեսանկյունից:

«Նախատեսվում է հայկական մարքեթինգային ընկերությունների անցած ճանապարհի և պատմության հիման վրա դասագիրք մշակել, որի ստեղծմանը կմասնակցի ֆակուլտետի անձնակազմը: Այնուհետ հնարավորություն կտանք ուսանողներին սովորելու այդ ուսումնական ձեռնարկով, քանի որ մինչ այս մարքեթինգի հետ կապված տարբեր դասընթացների շրջանակում ուսանողներին ներկայացվել են միջազգային խոշոր ընկերությունների օրինակները: Ձեռնարկը առանձնանում է հենց դրանով, քանի որ շատ կարևոր է, որ մեր ուսանողները ծանոթանան նաև հայկական ընկերությունների հաջողության պատմություններին և մոտեցումներին»,- ասաց Կառլեն Խաչատրյանը:

ԱՊՀ երկրներում «Kotler Impact» ընկերության բացառիկ ներկայացուցիչ «AWE Consulting» ՍՊԸ-ի տարածաշրջանի տնօրեն Մերի Գրիգորյանն ընդգծեց՝ այն հաջողության պատմությունները, որոնք կտպագրվեն ձեռնարկում, կվերամշակվեն ԵՊՀ պրոֆեսորադասախոսական կազմի կողմից և կունենան ակադեմիական բովանդակություն:

«Գիրքը լույս կտեսնի երկու լեզուներով: Սկզբում կտպագրվի անգլերեն տարբերակը մոտ 10 հազար օրինակով: Այն կվաճառվի ամբողջ աշխարհում, այնուհետև կթարգմանվի հայերեն, ինչից հետո հույս ունենք, որ կկարողանանք գիրքը ներառել հայկական բոլոր բուհերի կրթական ծրագրերում»,- նշեց Մերի Գրիգորյանը:

Համագործակցության արդյունքում ԵՊՀ ուսանողները կստանան նաև Մարքեթինգի համաշխարհային գիտաժողովի մասնակցության տոմսեր: