Подписано межуниверситетское соглашение между ЕГУ и Университетом Генуи

Համաձայնագրի շրջանակում կողմերը կհամագործակցեն կրթության, գիտության, կառավարման և մշակույթի ոլորտներում՝ իրականացնելով մի շարք ծրագրեր՝ ուղղված սոցիալական, մշակութային և տնտեսական զարգացմանը։ Միջբուհական համաձայնագրի շրջանակում նախատեսվում են հետևյալ գործողությունները՝

• բակալավրիատի և մագիստրատուրայի ուսանողների, դասախոսների, պրոֆեսորների, գիտաշխատողների և վարչական աշխատակազմի համար շարժունակության ծրագրեր,

• գիտական երկկողմ հետաքրքրություն ներկայացնող նախագծերի շրջանակում համագործակցություն, բարդ տեխնիկական/գիտական սարքավորումների օգտագործման վերաբերյալ գիտելիքի փոխանակում, 

• բակալավրիատի, մագիստրատուրայի և ասպիրանտուրայի կրթական ծրագրերի իրականացում, որոնք կտրամադրեն կրկնակի դիպլոմ, 

• երկկողմ հետաքրքրություն ներկայացնող մշակութային նախաձեռնություններ՝ սեմինարներ և դասընթացներ, 

• կառավարման հմտությունների զարգացմանն ուղղված նախաձեռնություններ,

• համատեղ նախագծերի մշակում, որոնք հնարավոր կլինի ֆինանսավորման ներկայացնել թե՛ տեղական, թե՛ միջազգային կառույցների։

Այս համագործակցությունը նոր հնարավորություններ կընձեռի երկու բուհերի ուսանողներին և գիտնականներին՝ ստանալու բարձր մակարդակի կրթություն և փորձ։

Նշենք, որ Երևանի պետական համալսարանը Ջենովայի համալսարանի հետ սկսել է համագործակցել դեռ ավելի վաղ՝ իրականացնելով մի շարք տարբեր ծրագրեր։ Ներկայում նույնպես իրականացվում է մի ծրագիր, որի շրջանակում ԵՊՀ պատվիրակությունը մեկնել էր Իտալիա՝ Ջենովայի համալսարան՝ մասնակցելու «Հայաստանում ներառական, թվային և էկոլոգիական բարձրագույն կրթության պատշաճ կառավարման և որակի ապահովման ցուցանիշների ազգային շրջանակի (ԳԱՑԱՇ) ստեղծում» (KPI4HE) ծրագրի աշխատաժողովին։ Նշյալ ծրագիրը նպատակ ունի զարգացնելու բարձրագույն ուսումնական հաստատությունների կրթական և գիտական գործընթացների պլանավորումն ու արդյունավետ կառավարումը՝ հիմնված ինստիտուցիոնալ հետազոտությունների վրա։