Հոգեբանական խաչբառ

Ինչպե՞ս ծագեց հոգեբանական խաչբառերը կազմելու գաղափարը:

Մի օր մեր տանից պատահաբար հին խաչբառեր գտա ու սկսեցի մտածել այն մասին, որ երբ փոքր էի մեր տան անդամները շատ էին խաչբառ գնում ու լրացնում դրանք: Եվ մտածում էի թե ինչու հիմա խաչբառներ չկան կա՛մ շատ քիչ են, կա՛մ էլ, ավելի ճիշտ, ոչ ոք չի գնում:  Մտածեցի, որ կարելի է հետ բերել հին սովորությունները, բայց այս անգամ ավելի նորովի մատուցմամբ: Քանի որ սովորում եմ հոգեբանության բաժնում, մտածեցի, որ կարելի է ստեղծվել հենց հոգեբանական խաչբառ՝ հոգեբան դասախոսների ու ուսանողների համար:

Ո՞րն է հոգեբանական խաչբառի նպատակը:

Հոգեբանական խաչբառի նպատակն առաջին հերթին անընդհատ մարզված միտք ու մասնագիտական տերմինաբանությանը լավ տիրապետելու կարողության զարգացումն է: Ուսման ընթացքում մենք անընդհատ նոր տերմիններ ենք սովորում, հաճախ դրանք խառնում ենք իրար ու կարծում եմ խաչբառը դրանց յուրացումը և մտապահումն ավելի կհեշտացնի: Ու ինչպես նշեցի՝ խաչբառը ծառայելու է նաև միտքն անընդհատ մարզված պահելուն, այսինքն՝ խաչբառների օգնությամբ կարող ենք հեշտությամբ վերհիշել մեր անցված դասերն ու թարմացնել գիտելիքները:

Ինչպե՞ս արձագանքեց ֆակուլտետի ՈՒԳԸ թիմը:

ՈՒԳԸ-ի թիմը բնականաբար դրական արձագանքեց ու միանգամից թիմ ձևավորեցինք ու հոգեբանական էքսպոյի ժամանակ արդեն ներկայացրեցինք որոշ խաչբառեր:

Ի՞նչ թիմ է աշխատում հոգեբանական խաչբառի վրա:

Սկզբում թիմը փոքր էր, կազմված էր 5 հոգուց, իսկ հիմա արդեն ունենք մեծ թիմ՝ 12 հոգուց բաղկացած: Թիմում ընդգրկված են հոգեբանության 2-րդ, 4-րդ կուրսերի և մագիստրատուրայի ուսանողներ:

Ի՞նչ եք կարծում ինչ արձագանք կստանաք ուսանողների և դասախոսների կողմից

Ինչպես նշեցի վերևում հոգեբական էքսպոյին արդեն ներկայացրել էին խաչբառեր և այդ ժամանակթե՛ ուսանողների, թե՛ դասախոսների մոտ մեծ հետաքրքրություն առաջացավ: Կարծում եմ, որ հիմա էլ նույնը կլինի, քանի որ խաչբառը նաև այլընտրանքային ուսուցման ձև կարող է հանդես գալ:

Ինչպե՞ս եք պատկերացնում խաչբառի հետագա զարգացումը և արդյո՞ք դա շարունակական կլինի

Խաչբառը միանշանակ շարունակական կլինի, մինչև տարեվերջ ամեն շաբաթ դրանք թարմացվելու են և նոր խաչբառներ են դրվելու: Իսկ հաջորդ կիսամյակ արդեն նոր և ավելի բարդ խաչբառերով են համալրվելու: Ըստ իս խաչբառն իր ուրույն տեղը կգտնի մեր ֆակուլտետում և հետագա սերունդները նույնպես կշարունակեն կազմել դրանք ու համոզված եմ, որ ավելի լավ, քան մենք:

Հեղինակ՝ Սոնա Մովսիսիյան