ԳԻՏԱՀԵՏԱԶՈՏԱԿԱՆ ԱՇԽԱՏԱՆՔ ԳՐԵԼՈՒ ՀԻՄՆԱԿԱՆ ՍԿԶԲՈՒՆՔՆԵՐԸ

Դասախոսության բանախոսն էր պատմական գիտությունների թեկնածու, դոցենտ Միքայել Մալխասյանը: Բանախոսը դասախոսության ընթացքում ներկայացրեց, թե ինչպես կարելի է պլանավորել հետազոտությունը: Ինչպես նաև ներկայացրեց թեմայի (հիմնախնդրի) ընտրությունը, հետազոտության ընթացքը, գիտահետազոտական աշխատանքի շարադրումը, թե ինչպես ներկայացնել հետազոտական աշխատանքը և այլն:

Միքայել Մալխասյանը նշեց, որ գիտական աշխատանքը պետք է ունենա հստակ կառուցվածք: Այն պետք է կազմված լինի ներածությունից, բուն նյութից և վերջաբանից: Բանախոսը ներկայացրեց կուրսային աշխատանքի և ռեֆերատի տարբերությունն, այնուհետև համեմատություն անցկացրեց հոդվածի հետ:

Բանախոսը նաև ներկայացրեց հաճախակի կրկնվող այն սխալները, որոնք թույլ են տալիս ուսանողներն իրենց աշխատանքները գրելիս:

Դասախոսությանը ներկա էին տարբեր ֆակուլտետների և բաժինների ուսանողներ:

Հեղինակ` Արման Կարապետյան