Мероприятия

Ս.թ. ապրիլի 29-ին՝ ժամը 12:00-ին, ԵՊՀ ԵԼՀ ֆակուլտետում (517) տեղի կունենա Յուրիկ Գաբրիելյանի անվան լսարանի բացման հանդիսավոր արարողությունը:

Ս.թ. ապրիլի 29-ին՝ ժամը 09:00-ին, ԵՊՀ ուսանողների համար կանցկացվի առցանց հանդիպում Լոս Անջելեսի «Օլիվեր Ուայմեն» ակտուարական խորհրդատվական ընկերության տնօրեն Անդրյու-Արամ Դուհանջիօղլուի հետ:

Ս.թ. ապրիլի 28-ին՝ ժամը 14:30-ին, ԵՊՀ աստվածաբանության ֆակուլտետի Շահե արք. Աճեմյանի անվան գրադարանում տեղի կունենա Հումանիտար հետազոտությունների ինստիտուտի տարեկան հաշվետու գիտաժողովը: Ինստիտուտի կառուցվածքային ստորաբաժանումների ղեկավարները կներկայացնեն իրականացված գիտահետազոտական աշխատանքների տարեկան ամփոփիչ հաշվետվությունը:

Ս.թ. ապրիլի 28-ին՝ ժամը 14:30-ին, ԵՊՀ կենսաբանության ֆակուլտետում (301 լսարան) տեղի կունենան ներքոգրյալ թեմաներով դասախոսություններ.

Ս.թ. ապրիլի 28-ին՝ ժամը 13:00-ին, ԵՊՀ պատմության ֆակուլտետում (318 սենյակ) տեղի կունենա ԱՄՆ Կալիֆոռնիայի համալսարանի «Խոստում» («Promise») հայկական ինստիտուտի «Հայոց ցեղասպանություն» հետազոտական ծրագրի հիմնադիր, թուրք պատմաբան և պրոֆեսոր Թաներ Աքչամի «Ապարտեիդի հարյուր տարի. Թուրքիայի Հանրապետության պատմություն» գրքի շնորհանդեսը:

Ս.թ. ապրիլի 28-ին՝ ժամը 11:00-ին, ԵՊՀ միջազգային հարաբերությունների ֆակուլտետի Պալեանների անվան դահլիճում տեղի կունենա հանդիպում ավարտական կուրսերի ուսանողների հետ:

Ս.թ. ապրիլի 23-ին՝ ժամը 14:30-16:00-ն, ԵՊՀ Սարգիս և Մարի Իզմիրլյանների անվան գրադարանի ընթերցասրահում (503) տեղի կունենա «Ինչպե՞ս կառուցել հաջող կարիերա» թեմայով հանդիպում:

Ս․թ․ ապրիլի 23-ին՝ ժամը 11։00-ին, ԵՊՀ արևելագիտության ֆակուլտետի Ֆիրդուսիի անվան դահլիճում (218 լսարան) ֆակուլտետի և Լունդի համալսարանի (Շվեդիա) համատեղ նախաձեռնությամբ տեղի կունենա «Թուրքիայի Հանրապետությունը և չլուծված խնդիրները. 100 տարին և ավելին» («The Republic of Turkey and its Unresolved Issues. 100 Years and Beyond») գրքի շնորհանդեսը, որին հաջորդելու է Թուրքիայում ցեղասպանության հիշողությանն ու փոքրամասնությունների խնդիրներին վերաբերող պանելային քննարկում։

Ս.թ. ապրիլի 23-ին՝ ժամը 10:00-ին, ԵՊՀ գիտական խորհրդի նիստերի դահլիճում տեղի կունենա հանդիպում Եվրոպայի խորհրդի խորհրդարանական վեհաժողովի (ԵԽԽՎ) նախագահ Թեոդորոս Ռուսոպուլոսի գլխավորած պատվիրակության հետ:

Ս.թ. ապրիլի 22-ին՝ ժամը 14:30-ին, ԵՊՀ կենսաբանության ֆակուլտետի 201 լսարանում Էկոլոգիայի և բնության պահպանության ամբիոնը «Հայանտառ» ՊՈԱԿ-ի հետ համատեղ կկազմակերպի Երկրի օրվան նվիրված միջոցառում: