Директор Представительства Агентства США по международному развитию в Армении Джон Аллело посетил ЕГУ

Директор Представительства Агентства США по международному развитию Джон Аллело в ходе визита в ЕГУ встретился с ректором ЕГУ Оганнесом Оганнисяном, а затем с выпускниками и студентами магистерской образовательной программы «Американистика».

ԱՄՆ ՄԶԳ (USAID) հայաստանյան գրասենյակի տնօրեն Ջոն Ալելոյի և ԵՊՀ ռեկտոր Հովհաննես Հովհաննիսյանի հանդիպման շրջանակում քննարկվեցին երկու կառույցների միջև համագործակցության ընդլայնման հնարավորությունները, արդեն իսկ իրագործվող ծրագրերի ընթացքն ու նոր նախաձեռնությունների իրականացման անհրաժեշտությունը։

Այնուհետև ԵՊՀ Սարգիս և Մարի Իզմիրլյանների անվան գրադարանում Ջոն Ալելոն հանդիպում ունեցավ «Ամերիկագիտություն» մագիստրոսական կրթական ծրագրի շրջանավարտների և ուսանողների հետ՝ ներկայացնելով և քննարկելով մասնագիտության արդի հիմնախնդիրները և զարգացման հեռանկարները, հայ-ամերիկյան դիվանագիտական հարաբերությունների արդի փուլը և այլ հարցեր: Խոսելով Ամերիկայի Միացյալ Նահանգների կողմից իրականացվող ծրագրերի մասին՝ նա նշեց. «ԱՄՆ միջազգային զարգացման գործակալությունը Հայաստանում է ավելի քան 30 տարի: Անցած տարիներին ԱՄՆ կառավարությունը ներդրել է մոտ 1,3 միլիարդ դոլար՝ Հայաստանում տարբեր ծրագրեր իրականացնելու համար: Ներկայում գործում է տարբեր ոլորտներ ընդգրկող 33 ծրագիր։ Մենք ներգրավված ենք գրեթե բոլոր բնագավառներում և համագործակցում ենք մի շարք գործընկերների ու կառույցների հետ՝ համախմբելով մեր ջանքերը և ընդլայնելով աշխատանքների շրջանակը»,- ընդգծեց Ջոն Ալելոն:

Քննարկման ավարտին Ջոն Ալելոն լսեց ապագա ամերիկագետների կարծիքներն ու մոտեցումները՝ տալով համընդգրկուն պատասխաններ նրանց հետաքրքրող հարցերին։

Նշենք, որ «Ամերիկագիտություն» մագիստրոսական կրթական ծրագիրն իրականացվում է Հայաստանում ԱՄՆ դեսպանատան (ԱՄՆ պետքարտուղարության) կողմից ֆինանսավորվող «Ամերիկյան հետազոտություններ» ծրագրի շրջանակում՝ 2020 թ. ԵՊՀ-ում հիմնված Ամերիկյան հետազոտությունների կենտրոնի կողմից։

Ծրագրի նպատակն է պատրաստել այնպիսի մասնագետներ, որոնք կկարողանան ձեռք բերված գիտելիքներն ու կարողությունները գործնականում կիրառել ԱՄՆ-ի հետ կապված տարբեր ոլորտներում՝ ամերիկյան քաղաքականություն և տնտեսություն, մեդիադաշտ և հանրային կարծիք, ԱՄՆ կառավարական համակարգ և հանրային քաղաքականություն, մշակույթ, աշխարհագրություն և այլն: