Ի՞ՆՉ ԵՐԿՐՈՒՄ ԵՆՔ ՈՒԶՈՒՄ ԱՊՐԵԼ (ՍՈՑԻԱԼԱԿԱՆ ԿՅԱՆՔԻ ԵՌԱՆԴԱՄՈՒԹՅՈՒՆ)
Դեկտեմբերի 18-ին Երևանի պետական համալսարանի Պատմության ֆակուլտետի Ուսանողական գիտական ընկերության նախաձեռնությամբ տեղի ունեցավ «Ի՞նչ երկրում ենք ուզում ապրել (սոցիալական կյանքի եռանդամություն)» խորագրով դասախոսությունը։
![1549288731](/sites/default/files/styles/large_slide/public/migrated/images/tEj9761lt7EzoGcSRfQ5Hifg1i.jpeg?h=dec22bcf&itok=IboK5G6e)
Դասախոսության սկզբում ողջույնի խոսքով հանդես եկան Պատմության ֆակուլտետի Ուսանողական գիտական ընկերության նախագահ՝ Սիրանուշ Բաղումյանը և «Արեգնազան» կրթահամալիրի մանկավարժ, ԵՊՀ հայ արվեստի պատմության և տեսության ամբիոնի դասախոս Արա Աթայանը ։
Բանախոսը նախ անդրադարցավ թեմայի ընտրությանը և մեկնաբանեց թե ինչու է ընտրվել հենց այս թեման։ Պարոն Աթայանը նշեց, որ թեման ընտրելիս մի քանի ուղղություններ քննարկվեցին՝ արվեստաբանություն, մանկավարժություն և այլն, սակայն որոշվեց հենց այս խորագիրն, որը բավականին կարևոր է և մեզ մտածելու տեղիք է տալիս։
Պարոն Աթայանը խոսեց հասարակական-քաղաքական իրադարձություններից, ներկայացրեց սոցիալական կյանքը և այլն։ Այնուհետև թեման լավ հասկանալու համար բանախոսը գործնական աշխատանք կատարեց, որին մասնակցեցին ներկա բոլոր ուսանողները։ Իսկ դասախոսության ավարտին սիրով պատասխանեց ուսանողների հարցերին։
Դասախոսությանը ներկա էին ուսանողներ ֆակուլտետի բոլոր բաժիններից և դասախոսական կազմից մի քանի ներկայացուցիչ։
Հեղինակ՝ Արգամ Համբարձումյան