Երևանի պետական համալսարանի պատմության ֆակուլտետի և ակադեմիկոս Հակոբ Մանանդյանի ծոռնուհի Էլեոնորա Մանանդյանի համատեղ նախաձեռնությամբ հայտարարվում է կենսագրական նյութի մրցույթ՝ նվիրված Հակոբ Մանանդյանին:
Նյութը պետք է ներկայացնի Հակոբ Մանանդյանի կենսագրությունը, գործունեությունն ու գիտական ժառանգությունը և տեղադրվի https://hy.wikipedia.org կայքէջում (երեք լեզուներով՝ հայերեն, ռուսերեն, անգլերեն)։
Աշխատանքները պետք է ներկայացվեն հայերեն, 13-15 էջ ծավալով և բաժանված լինեն ենթագլուխների՝ ներառելով Հակոբ Մանանդյանի գործունեության ոլորտները:
Մրցույթին մասնակցելու համար անհրաժեշտ է մինչև ս․թ․ դեկտեմբերի 10-ը history@ysu.am էլհասցեին ուղարկել նյութի բովանդակության վերաբերյալ դիմումատու(ներ)ի պատկերացումները և 300 բառի սահմաններում ներկայացնել Հակոբ Մանանդյանի մասին պատմող նյութ պատրաստելու դրդապատճառները։
Մրցույթի արդյունքները կամփոփվեն ս.թ․ դեկտեմբերի 15-ին: Հաղթող(ներ)ը հնարավորություն կունենան հոդվածը վերջնական տեսքի բերելու մինչև 2024 թ․ մարտի 15-ը։
Նյութը կտեղադրվի https://hy.wikipedia.org կայքէջում, իսկ հաղթող խումբը (կամ անհատները) կստանան նաև 200 000 ՀՀ դրամ դրամական պարգև։
