ԵՊՀ-ՈՒՄ ԱՆՑԿԱՑՎԵՑ «ՓՐԿՈՒԹՅԱՆ ՔԱՐՏԵԶ» ՖԻԼՄԻ ԴԻՏՈՒՄ-ՔՆՆԱՐԿՈՒՄԸ

ԵՊՀ Շառլ Ազնավուրի անվան մշակույթի կենտրոնի տնօրեն Կարինե Դավթյանը ողջունեց ներկաներին՝ կարևորելով Հայաստանի ազգային կինոկենտրոնի հետ երկարամյա համագործակցությունը:

Մշակույթի կենտրոնի կինոակումբի շրջանակում կազմակերպվող կինոդիտումները միտված են կինոյի վերաբերյալ ուսանողների պատկերացումների և մտահորիզոնի զարգացմանն ու ընդլայնմանը:

Անդրադառնալով ֆիլմի բովանդակությանը՝ Հայաստանի ազգային կինոկենտրոնի մարքեթինգի պատասխանատու Ռուզաննա Ալեքսանյանը նշեց, որ ֆիլմի գլխավոր հերոսները Մեծ եղեռնի ականատեսներն են, որոնք արհավիրքներից փրկված հայ երեխաներին ու կանանց ապաստան են տվել: 

Համայն հայության երախտագիտությունն արտահայտող ֆիլմը նվիրված է մեծ հումանիստների հիշատակին, որոնք հայ ազգի նկատմամբ մարդասիրական վերաբերմունք են դրսևորել:

Հանդիպման ավարտին ֆիլմի սցենարի հեղինակ Աննա Սարգսյանը պատասխանեց ներկաների հարցերին: