Matinee dedicated to the Korean language and culture at YSU

Ս. թ. հունիսի 23-ին՝ ժամը 15:00-ին, ԵՊՀ Շառլ Ազնավուրի անվան մշակույթի կենտրոնում տեղի կունենա կորեերենին և կորեական մշակույթին նվիրված ցերեկույթ, որը նպատակ ունի վերարժևորելու ԵՊՀ-ում կորեերենի դերը և ուսանողների շրջանում մեծացնելու հետաքրքրությունը կորեերենի և կորեական մշակույթի նկատմամբ։

ԵՊՀ-ում կորեերեն սովորող ուսանողները հանդես կգան կորեական հեքիաթի հիման վրա բեմադրված ներկայացմամբ, կհնչեն բանաստեղծություններ, երգ ու պար: Միջոցառմանը պարային համարով ելույթ կունենա Հայաստանում քեյ-փոփ պարային խումբը` «Միչյոսը»։

Ցերեկույթի ավարտին ԵՊՀ-ում անցկացված կորեերենի ութամսյա դասընթացի մասնակիցներին կտրվեն վկայականներ։