Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Նկարագրելու Հայաստանի բնաաշխարհագրական միջավայրը և համաշխարհային ու տարածաշրջանային պատմական գործընթացների համատեքստում ներկայացնելու և պարզաբանելու հայոց պատմության բոլոր պատմափուլերի հիմնախնդիրները:
   2. Ընդհանուր գծերով պարզաբանելու տարածաշրջանային և համաշխարհային պատմության առանցքային խնդիրները, առանձին դեպքերում նաև թվարկելու ու բնութագրելու դրանց կարևոր սկզբնաղբյուրները։
   3. Ընդհանուր գծերով ներկայացնելու պատմական մի շարք գիտությունների՝ հնագիտության, ազգագրության նպատակը, խնդիրները, մեթոդները, լուսաբանելու նախնադարյան հասարակության, Հայաստանի հնագիտության ու ազգագրության հարցերը:
   4. Թվարկելու, դասակարգելու և բնութագրելու հայոց պատմության հիմնական սկզբնաղբյուրները, ընդհանուր գծերով ներկայացնելու հայ և համաշխարհային պատմագիտության, պատմագիտական մտքի էվոլյուցիան:
   5. Թվարկելու և պարզաբանելու ազգային ու համաշխարհային պատմագիտական հայեցակարգերը, պատմական գործընթացների վերաբերյալ առկա տեսությունները։
   6. Ներկայացնելու արխիվային գործի, թանգարանագիտության տեսության խնդիրները, ինչպես նաև բնութագրելու պատմության տարբեր շրջափուլերում ի հայտ եկած սոցիալական, իրավական, քաղաքական, բնապահպանական, տնտեսական գործոնները:
2. Գործնական մասնագիտական կարողություններ
   1. Վերլուծելու և մեկնաբանելու հայոց, տարածաշրջանային ու համաշխարհային պատմության տարբեր պատմափուլերին վերաբերող գիտական և քաղաքական հնչեղություն ունեցող հարցերը:
   2. Հայոց պատմության խեղաթյուրման փորձերի դեպքում կռահելով միտումները՝ տալու ճշմարտացի պարզաբանումներ ու մեկնաբանություններ:
   3. Ուսումնասիրելու, պատրաստելու և ներկայացնելու պատմական թեմաներով հետազոտական աշխատանքներ, ռեֆերատներ, զեկուցումներ, ավարտական աշխատանքներ, վարելու բանավեճեր՝ կիրառելով պատմագիտական սկզբունքներն ու մեթոդները և պահպանելով մասնագիտական էթիկայի կանոնները:
   4. Հավաքելու, մշակելու և մեկնաբանելու պատմական սկզբնաղբյուրներ պատմական գործընթացների վերլուծություններ իրականացնելու համար, ինչպես նաև ազատորեն կողմնորոշվելու արխիվներում, Մատենադարանում՝ պատվիրելով ու աշխատելով արխիվային փաստաթղթերի և ձեռագրերի հետ:
   5. Ընթերցելու, մեկնաբանելու ու թարգմանելու գրաբարով գրված տեքստեր:
3. Ընդհանրական (փոխանցելի) կարողություններ
   1. Օգտվելու տեղեկատվության տարատեսակ աղբյուրներից (համացանցային ռեսուրսներ, էլեկտրոնային գրադարաններ, գիտական աշխատանքներ և այլն):
   2. Մայրենի և օտար լեզուներով հաղորդակցվելու, ձևակերպելու ու ներկայացնելու բանավոր ու գրավոր տրամաբանված խոսք:
   3. Օգտագործելով ընդհանուր տրամաբանական և պատմագիտական մեթոդներ ու սկզբունքներ՝ կատարելու վերլուծություններ, հետազոտություններ:
   4. Կողմնորոշվելու արտակարգ իրավիճակներում և անհրաժեշտության դեպքում ցուցաբերելու առաջին բուժօգնություն:
   5. Մասնագիտական ոլորտի խնդիրները բացահայտելիս և լուծումներ առաջադրելիս ցուցաբերել ստեղծագործական մոտեցում, ինչպես նաև նոր իրավիճակներին համապատասխան որոշումներ կայացնելու և սովորելու կարողություն։
   6. Ստանձնելու անձնական պատասխանատվություն ազգի և պետության հանդեպ, իր գործունեությամբ նպաստելու ազգային և համամարդկային արժեքների տարածմանը։