New collective agreement at YSU enters into force today

Today, YSU Rector Hovhannes Hovhannisyan and YSU Trade Union President Ruben Serobyan signed a new collective agreement for YSU. The agreement will be in effect until July 18, 2026.

Կոլեկտիվ պայմանագրով կարգավորվում են ԵՊՀ աշխատողների ներկայացուցչական մարմնի՝ Արհեստակցական կազմակերպության և գործատուի միջև աշխատանքային հարաբերությունները։

Ըստ պայմանագրի՝ կողմերը համագործակցելու են սոցիալական գործընկերության հիմնական սկզբունքների համաձայն, ձեռնարկելու են միջոցներ աշխատանքային վեճերի կանխման, աշխատանքային հարաբերություններում աշխատողների և գործատուի շահերի փոխհամաձայնեցման ուղղությամբ։

Ձեռք է բերվել պայմանավորվածություն՝ փոփոխելու ԵՊՀ արհեստակցական կազմակերպության կանոնադրությունը։ Փոփոխությունները հնարավորություն կտան ապահովելու առավել թափանցիկ, հաշվետու և արդյունավետ կառավարման մեխանիզմներ, որոնք կնպաստեն աշխատողների սոցիալական խնդիրների առավել արդյունավետ լուծմանը և աշխատանքային հարմարավետ պայմանների ստեղծմանը։