February 19, 2020 | 14:41
Հասարակություն
ՄԱՍՆԱԳԻՏԱԿԱՆ ԳՐՔԵՐ՝ ՕՐՎԱ ԽՈՐՀՐԴԻՆ ԸՆԴԱՌԱՋ
Փետրվարի 19-ը Հայաստանում հռչակված է Գիրք նվիրելու օր, որը նվիրված է Հովհաննես Թումանյանի ծննդյան տարեդարձին: Իրավագիտության ֆակուլտետի դեկան Գագիկ Ղազինյանը, հետևելով օրվա խորհրդին, ուսանողներին նվիրեց մասնագիտական գրքեր՝ այդ կերպ խթանելով ուսանողների բարձր առաջադիմությունը:
Ապագա իրավագետները ստացան Միխայել Զաքսի «Գերմանիայում հիմնական իրավունքների ընդհանուր ուսմունքի հիմունքները», «Քաղաքացիական իրավունքի խնդրագիրք» գրքերը և «Հայաստանի Հանրապետության Վճռաբեկ դատարանի քրեական գործերով որոշումների» ժողովածուն:
Գագիկ Ղազինյանը, հաջողություն մաղթելով ուսանողներին, խորհուրդ տվեց մշտապես ընթերցել ու գիրք նվիրել՝ անկախ օրվա խորհրդից:
«Գիրք նվիրելն ու ստանալը խորհրդանշական են. հետևեք այդ խորհրդին»,- ամփոփեց Գ. Ղազինյանը:
