April 05, 2022 | 16:33
ՀԱՆԴԻՊՈՒՄ ԱՆԴՐԵՅ ԱՆԴՐԵՅԻ ՍՈՒՇԵՆՑՈՎԻ ՀԵՏ
ԵՊՀ միջազգային հարաբերությունների ֆակուլտետում տեղի ունեցավ հանդիպում Անդրեյ Սուշենցովի և ֆակուլտետի պրոֆեսորադասախոսական կազմի, ուսանողների միջև: Բանախոսը ներկայացրեց «Россия -Запад: точка мировой бифуркации» թեման:
ԵՊՀ միջազգային համագործակցության վարչության պետ Ալեքսանդր Մարգարովը ողջունեց ներկաներին և ծանոթացրեց Մոսկվայի միջազգային հարաբերությունների պետական ինստիտուտի դեկան, «Վալդայ» միջազգային բանավիճային ակումբի ծրագրի տնօրեն, բանախոս ք.գ.թ. Անդրեյ Անդրեյի Սուշենցովի հետ:
Խոսքի սկզբում Անդրեյ Սուշենցովը ասաց. «Ցանկացած ճգնաժամ ավարտվում է. պատերազմն էլ կավարտվի բանակցությունների շնորհիվ: Հայաստանում այնքան հաճախ չեմ լինում, որքան կցանկանայի, բայց մշտապես սպասում եմ յուրաքանչյուր հանդիպման»:
Դասախոսությունը թեմատիկ ընդգրկմամբ արդիական էր և ընթացավ աշխարհաքաղաքական իրադրության, պատերազմների, դրանց շուրջ ծավալվող բանակցությունների վերաբերյալ քննարկմամբ:
