«ԲանՈՒԳործ․ ԵՊՀ էքսպո-2023»-ի շրջանակում Երևանի պետական համալսարանի գործընկեր կազմակերպությունները տարբեր տաղավարներում ներկայացնելու են իրենց գործունեությունը և աշխատանքի հնարավորությունները։
ԵՊՀ-ն համագործակցում է միջազգային մի շարք կազմակերպությունների, ՀՀ պետական և մասնավոր ընկերությունների հետ՝ ապահովելով ուսանողների և գործատուների միջև շարունակական կապը։
Էքսպոյի ժամանակ ոչ միայն ներկայացվելու են կոնկրետ ոլորտի (մասնագիտության) վերաբերյալ մանրամասներն ու թափուր հաստիքները, այլև քննարկվելու են այնպիսի թեմաներ, որոնք նպաստելու են ուսանողների մասնագիտական հմտությունների և կարողունակությունների զարգացմանը:
«ԲանՈՒԳործ․ ԵՊՀ էքսպո-2023»-ի հիմնական հովանավորը «Երեմյան Փրոջեքթս» ընկերությունն է, իսկ ոլորտային գործընկերներն են «Հայկական Ատոմային Էլեկտրակայան» (ՀԱԷԿ) ՓԲԸ-ն, «Ամերիաբանկ» ՓԲԸ-ն, «HSBC Բանկ Հայաստան» ՓԲԸ-ն, «Արփիմեդ» դեղագործական ձեռնարկությունը, «Նաիրի Ինշուրանս» ապահովագրական ՍՊԸ-ն, «Զանգեզուրի պղնձամոլիբդենային կոմբինատ» ՓԲԸ-ն, «Կոկա-Կոլա Հելլենիկ Բոթլինգ Քամփնի Արմենիա» ՓԲԸ-ն, «Թել-Սել» ՓԲԸ-ն, «Էվոլուշն» շվեդական կազմակերպությունը, որոնք հանդես են գալու աշխատանքի առաջարկներով։
Էքսպոյի գործընկերներին ծանոթանալ հնարավոր է այստեղ։
Երեքշաբթի օրը բանուգործդ թո՛ղ, #Արի_ԵՊՀ, սովորի՛ր շատ ԲԱՆ ՈՒ գտի՛ր ԳՈՐԾդ։
ԵՊՀ կրթական ծրագրեր իրականացնող ստորաբաժանումները՝ ըստ գույների (ֆակուլտետ, ինստիտուտ, կենտրոն)
