«Մաշտոց» կրթական հիմնադրամը հայտարարում է կրթաթոշակային ծրագրի մեկնարկի մասին

«Մաշտոց» կրթական հիմնադրամը հայ-կանադական բարեգործական նախաձեռնությամբ շուրջ 16 տարի աջակցում է Հայաստանում սովորող երիտասարդներին՝ ամբողջությամբ կամ մասնակի հովանավորելով ուսման վարձի վճարումը և զուգահեռաբար՝ կրթաթոշակ տրամադրելով։

Ծրագրին դիմելու հնարավորություն ունեն ԵՊՀ հետևյալ ֆակուլտետների առաջին կուրսի և՛ անվճար, և՛ վճարովի համակարգում սովորող ուսանողները.

1. ժուռնալիստիկայի ֆակուլտետ,

2. միջազգային հարաբերությունների ֆակուլտետ,

3. ռադիոֆիզիկայի ֆակուլտետ,

4. փիլիսոփայության և հոգեբանության ֆակուլտետ,

5. եվրոպական լեզուների և հաղորդակցության ֆակուլտետ:

Անվճար համակարգով սովորողները, որոնք կընտրվեն, կստանան կրթաթոշակ ամսական կտրվածքով։

Վճարովի համակարգով սովորողների ամբողջ վարձը կհոգա հիմնադրամը (առաջինից մինչև վերջին կուրս) և զուգահեռաբար՝ կրթաթոշակ կտրամադրի ամսական կտրվածքով։

Հոգաբարձուների խորհուրդը հաշվի է առնելու բարձր առաջադիմությունը և դիմորդների սոցիալական վիճակը։

Դիմելու վերջնաժամկետն է ս.թ. ապրիլի 27-ը ներառյալ։

Դիմումն անհրաժեշտ է լրացնել՝ անցնելով հետևյալ հղումով՝ https://bit.ly/3zR7yN7:

Սույն դիմումը լրացնելուն պես հարկավոր է առաջին կիսամյակի ակադեմիական տեղեկագիրը և համալսարանի համապատասխան ֆակուլտետի առաջին կուրսում սովորելու մասին փաստող տեղեկանքն ուղարկել mashtots.edu@gmail.com էլհասցեին` որպես մեկ կից ֆայլ։

Տեղեկագրերը չներկայացնելու կամ վերը նշված ձևաչափիչ տարբերվող ձևով ներկայացնելու դեպքում հիմնադրամը չի դիտարկի դիմումը։