Մեկնարկում է «Լեհական-եվրոպական իրավագիտության դպրոցը»

Լեհաստանի Բիալիստոկի համալսարանը կազմակերպում է «Լեհական-եվրոպական իրավագիտության դպրոց» («Polish-European School of Law») «SPINAKER» ԵՄ ծրագրի շրջանակում:

ԵՊՀ իրավագիտության, տնտեսագիտության և կառավարման ֆակուլտետների բակալավրիատի, մագիստրատուրայի ուսանողներին և ասպիրանտներին Բիալիստոկի համալսարանը ծրագրին մասնակցելու համար տրամադրում է կրթաթոշակ: Այն կազմում է 5000 PLN, որը համարժեք է մոտավորապես 1065 եվրոյի: Գումարը նախատեսված է ավիատոմսերի, կեցության (համալսարանի հանրակացարանում) և սննդի ապահովման համար: Բացի դրանից՝ ուսանողներին կտրամադրվի հավելյալ գումար՝ Բիալիստոկ քաղաքում հանրային տրանսպորտից օգտվելու համար:

«Լեհական-եվրոպական իրավագիտության դպրոց» կրթական ինտենսիվ ծրագիրը ներառում է 50 ժամ դասընթաց, որից 26 ժամը (2 շաբաթ)՝ առցանց, հեռակա, և 24 ժամը՝ առկա՝ Բիալիստոկի համալսարում:

Դասընթացները լինելու են անգլերենով և տեղի են ունենալու ս. թ. մայիսի 8-ից մինչև հունիսի 2-ը (առցանց՝ 08.05.-19.05, առկա՝ 22.05.- 02.06):

Դասընթացների վերաբերյալ հավելյալ տեղեկատվություն հնարավոր է ստանալ՝ հետևելով հետևյալ կայքէջին:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետն է ս.թ. մարտի 31-ը՝ ժամը 17:00:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերենով, PDF տարբերակով).

1. անձնագրի պատճեն,

2.ինքնակենսագրական (CV) «Europass» ձևաչափով,

3. մոտիվացիոն նամակ,

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ,

6.անգլերենի առնվազն B2 մակարդակի իմացության տեղեկանք