Մարքեթինգի և հոգեբանության կապը
Հոգեբանությունը ծաղկեցնում է մարքեթինգային ոլորտը
![1538737492](/sites/default/files/styles/large_slide/public/migrated/images/VEC8DKcQvP3byeyNjRL9bU3ZEe.png?h=dec22bcf&itok=YxASFR_5)
Սեպտեմբերի 19-ին ԵՊՀ փիլիսոփայության և հոգեբանության ֆակուլտետի ՈՒԳԸ-ի նախաձեռնությամբ ԵՊՀ 8-րդ մասնաշենքի 302 լսարանում անց կացվեց մարքեթինգի և հոգեբանության կապին վերաբերվող սեմինար-քննարկումը:Ներկա էին մոտ 25 ուսանողներ տարբեր ուսումնական հաստատություններից և կազմակերպություններից: Բանախոսն էր հայտնի Microsoft ընկերության գործընկեր հանդիսացող Madatech ընկերության տնօրեն Դավիթ Բաբայանը:
Միջոցառումն անց կացվեց քննարկման ձևաչափով: Հետաքրքիր մոտեցումներ տրվեցին տարբեր հոգեբանական և մարքեթինգային եզրույթներին: Խոսեցինք մարդու որոշման կայացման հիմքում ընկած երևույթների մասին և ո՞ր հոգեբանական գործոնները կարող են օգտագործվել մարքեթինգի համար: Քննարկվեցին հայտնի կազմակերպությունների մարքեթինգային մոդելները: Անդրադարձ կատարվեց նաև նեյրոմարքեթինգին և PR-ին:
Հեղինակ` Մարիամ Մանուկյան