ԻՐԱՎԱԳԻՏՈՒԹՅԱՆ ԴԱՍԱՎԱՆԴՄԱՆ ԱՐԴԻ ՀԻՄՆԱԽՆԴԻՐՆԵՐԻՆ ՆՎԻՐՎԱԾ ԶԵԿՈՒՑՈՒՄՆԵՐ՝ ԵՊՀ ԵՎՐՈՊԱԿԱՆ ՈՒՍՈՒՄՆԱՍԻՐՈՒԹՅՈՒՆՆԵՐԻ ԿԵՆՏՐՈՆՈՒՄ

Միջոցառման կազմակերպիչը ԵՊՀ ՈՒԳԸ-ն էր, իսկ ներկաների թվում էին օտարերկրյա ուսանողներ:

Միջոցառման ընթացքում բանախոսներն անդրադարձան իրավագիտության դասավանդման արդի հիմնախնդիրներին,  կիսվեցին իրենց փորձով:

Նրանք խոսեցին իրավագիտության դասավանդման մեթոդաբանության փոփոխության, առաջատար փորձի ներդրման և տեղայնացման, դասագրքաստեղծ գործունեության, դատախաղերի և վերջիններս՝ որպես ֆակուլտատիվ առարկա ներդնելու հնարավորությունների և լեզուների իմացության մասին:

Տիրայր Վարդազարյանի համոզմամբ, աշխատաշուկայում կարևորվում են մասնագիտական հմտությունները, ուստի ուսանողները պետք է խորացնեն թե՛ մասնագիտական գիտելիքները, թե՛ հմտությունները:

Իսկ Եվրոպական ուսումնասիրությունների կենտրոնի դասախոս Հասմիկ Հարությունյանի կարծիքով, ուսանողներին պետք է հնարավորինս շատ տարածք տրամադրել, որպեսզի նրանք կարողանան իրենց մտքերն ազատ արտահայտել:

«Միայն այդ դեպքում ուսանողները հնարավորություն կունենան հանդես գալու սեփական մեկնաբանություններով, որը թույլ կտա հետագայում այդ ուսանողներին աշխատաշուկայում իրենց տեղն ու դիրքն ունենալ»,- նշեց Հ. Հարությունյանը:

Բանախոսներն անդրադարձան նաև գրագողության խնդրին և այլ աղբյուրների բառացի թարգմանության վտանգներին, ինչպես նաև անկաշկանդ դասապրոցեսի կազմակերպման, տեսական պարապմունքներից զատ՝ իրավա֊դատական դերախաղերի ու օրենսդրական քննարկումների առկայության կարևորությանը:

Անգին Խաչատրյան