October 29, 2019 | 16:19
Հասարակություն

ՀԱՄԱՇԽԱՐՀԱՅԻՆ ԲԱՆԿԻ ԵՎ ՀԱՅԱՍՏԱՆՅԱՆ ԳՐԱՍԵՆՅԱԿԻ ՊԱՏՎԻՐԱԿՈՒԹՅԱՆ ԱՅՑԸ ԵՊՀ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏ

ԵՊՀ կենսաբանության ֆակուլտետի մանրէաբանական կենսատեխնոլոգիաների և կենսավառելիքի նորարարական կենտրոնում այսօր հյուրընկալվել է Համաշխարհային բանկի և հայաստանյան գրասենյակի պատվիրակությունը:
World-bank-delegation-at-YSU-faculty-of-Biology

Հյուրերին դիմավորեց Մանրէաբանական կենսատեխնոլոգիաների և կենսավառելիքի նորարարական կենտրոնի տնօրեն Կարեն Թռչունյանը:

ՀԲ պատվիրակության կազմում էին ՀԲ ավագ տնտեսագետ, առաջադրանքի թիմի ղեկավար Կատյա-Հերերա Սոսան, կրթության մասնագետ, առաջադրանքի թիմի համաղեկավար Հաննա Ալասուտարին, բարձրագույն կրթության մասնագետ Կուն Գևնը, կրթության հարցերով խորհրդատու Անուշ Շահվերդյանը, Եվրոպայի և Կենտրոնական Ասիայի տարածաշրջանի կրթության գլոբալ պրակտիկայի ղեկավար Հարի Պատրինոսը:

Հանդիպման ընթացքում Կարեն Թռչունյանն անդրադարձավ մանրէաբանական կենսատեխնոլոգիաների և կենսավառելիքի նորարարական կենտրոնի ստեղծմանը և նրա հիմնական գործառույթներին:

Հնչեցին նաև հարցեր, և քննարկվեցին մանրէաբանական կրթության հեռանկարներն ու հնարավորությունները:  

ՀԲ պատվիրակության անդամները շրջեցին կենտրոնով, ծանոթացան առկա սարքավորումներին, ինչպես նաև մասնակցեցին հոկտեմբերի 28-ին մեկնարկած՝ Ամերիկայի մանրէաբանական ընկերության աջակցությամբ բարձր դասարանների դպրոցականների համար կազմակերպված լաբորատոր աշխատանքներին։ 

Նշենք, որ հյուրերը ծանոթացան նաև կենտրոնում առկա անգլալեզու գրականությանը:

Անգին Խաչատրյան

FacebookTelegram
Address: Republic of Armenia, Yerevan, 0025, 1 Alex Manoogian (+37460) 710000 info@ysu.am