Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Համակողմանիորեն նկարագրել արվեստի պատմության և տեսության զարգացման ընթացքը, հիմնարար միտումները՝ հնագույն ժամանակներից մինչև մեր օրերը:
   2. Ներկայացնել հայ և համաշխարհային արվեստի հիմնախնդիրները, տեսություններն ու մեթոդները:
   3. Մատնանշել հայ արվեստի տեղն ու դերը համաշխարհային արվեստի պատմության համատեքստում:
   4. Որոշել արվեստի ստեղծագործության ստեղծման ժամանակը և վայրը:
   5. Լուսաբանել արվեստաբանական տարբեր ոլորտներին առնչվող խնդիրները:
   6. Հիմնավորել արվեստի տարբեր շրջափուլերում ի հայտ եկած փոփոխությունները և փոխառնչությունները։
   7. Բնութագրել Հայաստանում և հայկական սփյուռքում ընթացող հայ և համաշխարհային արվեստի ժամանակակից գեղարվեստական գործընթացները:
2. Գործնական մասնագիտական կարողություններ
   1. Մեկնաբանել հայ և համաշխարհային արվեստի պատմության տարբեր փուլերին վերաբերող գիտական ու քաղաքական հնչեղություն ունեցող հարցերը:
   2. Կիրառել արվեստի ուսումնասիրման նկարագրական, աղբյուրագիտական, քննական-համեմատական, պատկերագրական, ոճական մեթոդները՝ արվեստի ստեղծագործությունները ներկայացնելիս:
   3. Մասնագիտորեն վերլուծել արվեստի ստեղծագործությունները գեղագիտության համատեքստում:
   4. Բացահայտել ժամանակակից դեռևս ոչ հայտնի, ինչպես նաև մոռացված ստեղծագործողների, գնահատել նրանց գործերը, գիտական շրջանառության մեջ դնել անհայտ, անտեսված ստեղծագործություններ։
   5. Կազմակերպել և համադրել ցուցահանդեսներ և ցուցադրություններ՝ կիրառելով մասնագիտական իմացությունը և հմտությունները:
   6. Մասնագիտական և ոչ մասնագիտական հանրությանը ներկայացնել և բացատրել արվեստաբանությանն առնչվող տեղեկատվությունը, գաղափարները, խնդիրները և դրանց լուծումները:
   7. Հավաքել, մշակել , վերլուծել և մեկնաբանել մասնագիտական ոլորտին առնչվող քանակական և որակական տվյալներ՝ հիմնավորված դատողություններ անելու համար:
3. Ընդհանրական (փոխանցելի) կարողություններ
   1. Օգտվել տեղեկատվության հայերեն և օտարալեզու տարատեսակ աղբյուրներից՝ կիրառելով ժամանակակից տեղեկատվական և հաղորդակցման տեխնոլոգիաներ:
   2. Դիտարկել հայերեն և օտարալեզու գիտական գրականությունը և արժևորել սկզբնաղբյուրները (ձեռագրեր, վիմագիր արձանագրություններ):
   3. Մայրենի և օտար լեզուներով հաղորդակցվել, ձևակերպել ու ներկայացնել բանավոր ու գրավոր տրամաբանված խոսք:
   4. Պատրաստել արվեստաբանական թեմաներով ռեֆերատներ, զեկուցումներ, վարել բանավեճեր՝ պահպանելով մասնագիտական էթիկայի կանոնները:
   5. Կիրառել վերլուծական և քննադատական մտածողություն արվեստաբանական ժամանակակից միտումները գնահատելիս: