Ծրագիրն ընդգրկում է ընդհանուր և մասնագիտական դասընթացներ (պարտադիր և կամընտրական):

Ընդունելության պահանջները

Ընդունելության քննությունն անցկացվում է բանավոր: Հարցաշարը տեղադրված է ստորև։

Ծրագրի տևողությունը և ուսման վարձավճարը

Կրթական ծրագրի տևողությունը 2 տարի է։ Ուսման վարձավճարը 2024-2025 ուստարվա համար կազմում է 900․000 ՀՀ դրամ։

Ծրագրի նպատակը

Ծրագիրը նպատակ ունի նախապատրաստելու գիտահետազոտական ոլորտում և արդյունաբերության մեջ աշխատող մաթեմատիկական մեթոդների օգտագործման և ներդրման հարցերում կողմնորոշված մասնագետներ:

Առավելությունները

Ծրագրի հաջող ավարտին շրջանավարտը ունակ կլինի կառուցելու և վերլուծելու բնագիտական խնդիրների մաթեմատիկական մոդելներ, մշակելու կիրառական խնդիրների լուծման մեթոդներ, ստեղծելու արդյունավետ հաշվողական ալգորիթմներ:

Պրակտիկան նախատեսվում է անցկացնել տեղեկատվական տեխնոլոգիաների ոլորտի առաջատար ընկերություններում` «Հայկական ծրագրեր», «Սինոփսիս» և այլն, ՀՀ ԳԱԱ ինֆորմատիկայի և ավտոմատացման պրոբլեմների ինստիտուտում, բանկային համակարգում:

Կարիերայի հնարավորությունները

Ծրագիրը հաջողությամբ ավարտած մագիստրոսները կարող են ուսումը շարունակել ասպիրանտուրայում:

Հետադարձ կապ

Հեռ․՝ 060 710 056

Էլհասցե՝ informatics.dekanat@ysu.am

1. Թվային հաջորդականութունների զուգամիտություն, Կոշիի սկզբունքը
2. Բոլցանո-Կոշիի առաջին և երկրորդ թեորեմները: Վայերշտրասի առաջին և երկրորդ թեորեմները
3. Ռոլլի թեորեմը: Լագրանժի վերջավոր աճերի բանաձևը և նրա հետևանքները: Կոշիի բանաձևը
4. Թեյլորի թեորեմը: Թեյլորի բանաձևը Պեանոյի և Լագրանժի մնացորդային անդամների տեսքով
5. Ֆունկցիայի էքստրեմումներ: Էքստրեմումի անհրաժեշտ և բավարար պայմաններ
6. Որոշյալ ինտեգրալ: Նյուտոն-Լայբնիցի բանաձևը
7. Թվային շարքեր: Զուգամիտության Կոշիի, Դալամբերի և ինտեգրալային հայտանիշները
8. Գծային արտապատկերում, օրինակներ: Արտապատկերման մատրից․ միջուկը և պատկերը: Միջուկի և պատկերի չափողականությունները
9. Սեփական արժեքներ և սեփական վեկտորներ, բնութագրիչ բազմանդամ: Սիմետրիկ և օրթոգոնալ մատրիցների սեփական արժեքների մասին
10. Մետրիկական տարածություններ: Սեղմող արտապատկերումների սկզբունքը և նրա կիրառությունները
11. Ոչ գծային հավասարումների լուծման պարզ իտերացիայի մեթոդը, նրա զուգամիտությունը և զուգամիտության կարգը
12. Ոչ գծային հավասարումների լուծման Նյուտոնի մեթոդը, նրա գրաֆիկական մեկնաբանությունը: Մեթոդի զուգամիտության կարգը
13. Գծային հանրահաշվական հավասարումների համակարգերի լուծման իտերացիոն մեթոդները: Յակոբիի և Գաուս-Զեյդելի մեթոդները
14. Ինտերպոլացիայի խնդիրը: Լագրանժի ինտերպոլացիոն բանաձևը: Ինտերպոլացիայի սխալանքի գնահատականը
15. Քառակուսացման բանաձևեր: Սեղանների և Սիմպսոնի բանաձևերը և նրանց սխալանքները

1. Ալեքսանյան Ա. Ա., Գծային հանրահաշիվ, Եր., ԵՊՀ հրատ., 2006։
2. Հակոբյան Յու. Ռ., Թվային մեթոդներ, Եր., ԵՊՀ հրատ., 2017։
3. Никольский С. М., Курс математического анализа, тт. 1-2. -М.: Наука, 1983.
4. Фихтенгольц Г.М., Курс дифференциального и интегрального исчисления, тт. 1-3. -М.: Наука, 1969.
5. Кострикин А. И., Манин Ю. И., Линейная алгебра и геометрия.-М.: Наука, 1986.
6. Колмогоров А.Н., Фомин С.В., Элементы теории функций и функционального анализа.-М.: Наука, 1989.