1. Ընդհանրական կարողություններ
Դասավանդման/մանկավարժական
· դասընթացի աշխատանքային ծրագիր (օրացուցային պլան) կազմելու հմտություն,
· դասավանդման ինտերակտիվ մեթոդների իմացություն, ակտիվ ուսուցման տեխնիկաների կիրառման կարողություն:
Հետազոտական
· տարաբնույթ գիտական աղբյուրների հետ աշխատելու, ինչպես նաև համացանցային տեղեկատվական ռեսուրսներից օգտվելու հմտություն,
· ընդհանուր և մոլեկուլային գենետիկայի ոլորտում հետազոտությունների իրականացման հմտություն,
· ուսանողների գիտահետազոտական խումբ ղեկավարելու կարողություն:
Հաղորդակցման
· լսարանի հետ բանավոր հաղորդակցվելու հմտություն,
· հետազոտության արդյունքները գրավոր շարադրելու կարողություն,
· օտար լեզվի իմացություն ակադեմիական մակարդակով։
ՏՀՏ կիրառություն
· համակարգչային (MS Office փաթեթի ազատ տիրապետում՝ Word, Excel, Power-Point) հմտություններ,
· ժամանակակից սոցիալական հարթակներից օգտվելու հմտություն,
· լուսացուցադրություններ պատրաստելու և ներկայացնելու հմտություններ:
Այլ կարողություններ
· դասընթացներ կազմելու, կրթական վերջնարդյունքներ սահմանելու, դասավանդման և գնահատման եղանակներ ճիշտ ընտրելու գիտելիքներ,
· դասընթացի նյութերը արդյունավետ կազմելու կարողություն (դասընթացներ, տեղեկագրեր, ձեռնարկներ և այլն), ուսանողների հետաքրքրությունն ու ներգրավվածությունը ապահովելու ունակություն,
· ժամանակի պլանավորման և կառավարման կարողություն:

2. Մասնագիտական կարողությունները և գիտելիքները ըստ ոլորտների
· ընդհանուր և մոլեկուլային գենետիկայի հիմնական դրույթների և արդի զարգացումների մասին գիտելիքներ,
· բույսերի, կենդանիների և մարդու գենոմների կառուցվածքի, գեների տեղակայման, կառուցվածքի և էքսպրեսիայի ուսումնասիրման ժամանակակից նվաճումների վերաբերյալ մասնագիտական գիտելիքներ,
· վարքագծի, ծերացման և երկարակեցության, հիվանդությունների, գենետիկական մեխանիզմների վերաբերյալ մասնագիտական գիտելիքներ,
· էկոլոգիական գենետիկայի, մուտագենեզի և ֆարմակոգենետիկայի վերաբերյալ մասնագիտական գիտելիքներ,
· գենետիկական ու բջջային տեխնոլոգիաների վերաբերյալ մասնագիտական գիտելիքներ,
· կենսաբանության, բժշկության, բնապահպանության, գյուղատնատեսության և քրեագիտության մեջ գենետիկայի ժամանակակից մեթոդների կիրառման մասնագիտական գիտելիքներ,
· փորձարարական մեթոդների, լաբորատորիայում անվտանգ աշխատելու կանոնների իմացություն, փորձարարական աշխատանքների պլանավորման և համակարգչային ծրագրերի օգտագործմամբ գենետիկական տվյալների վերլուծության և ամփոփելու կարողություն,
· գենետիկայի ասպարեզում հետազոտական աշխատանքների կազմակերպման և իրականացման կարողություն:

3. Ընդհանուր պահանջներ
Գիտական աստիճան
· գիտական աստիճան և/կամ կոչում կենսաբանական գիտությունների ոլորտում, կամ որոշ դեպքերում՝ տվյալ կամ հարակից մասնագիտությամբ արտերկրյա բուհում ստացած մագիստրոսի կոչում,
· վերջին 5 տարում առնվազն 3 գիտական և/կամ մեթոդական հրատարակու­թյունների առկայություն։
Մանկավարժական փորձ
· մասնագիտական դասընթացների դասավանդման կազմակերպման և իրականացման առնվազն 3 տարվա փորձ,
· վերջին 5 տարվա ընթացքում մասնակցություն տեղական կամ միջազգային վերապատրաստումների և/կամ մասնագիտական որակավորման բարձրացման դասընթացների:
Պրակտիկ աշխատանքի փորձ
· առնվազն 5 տարվա աշխատանքային փորձ գենետիկայի ոլորտում:
Այլ պահանջներ
· դասավանդման պորտֆոլիո՝ դասավանդվող առարկաների առնվազն 50%-ի առցանց նյութերի առկայություն,
· ուսանողական հարցման արդյունքներով ստացված գնահատականների միջինը՝ առնվազն 4,0 (գործող դասախոսների համար)։