February 14, 2024 | 14:45
Human rights
Competitions
Student
YSU team to visit Vienna to participate in the international moot
The YSU team will participate in the international moot to be held in Vienna. The Arbitration and Mediation Center of Armenia (AMCA) finances the participation of the YSU team for recording the highest scores according to last year's results.
AMCA-ն փետրվարի 10-ին հյուրընկալել էր Vis Moot միջազգային դատախաղի հայաստանյան թիմերին` փորձնական դատախաղ կազմակերպելու նպատակով։
Հայաստանից ներկայացված է 3 թիմ՝ Երևանի պետական համալսարանը, Հայաստանում ֆրանսիական համալսարանը և Հայաստանում ամերիկյան համալսարանը։ Ներկայում նշված երեք թիմերը Վրաստանում են, որտեղ մասնակցում են տարածաշրջանի մակարդակով կազմակերպված նախնական դատախաղին։ Այս փուլին արդեն կհաջորդի միջազգային համալսարանների թիմերի հետ դատախաղը, որը տեղի կունենա մարտի 22-28-ը Վիեննայում։
Դատախաղին մասնակցում են աշխարհի շուրջ 400 համալսարաններ, 4000 ուսանողներ և մոտ 2000 արբիտր։ Դատախաղերի առանձնահատկությունը փորձնական դատախաղերի կազմակերպումն է, որոնք անցկացվելով տարբեր երկրներում՝ նպաստում են տվյալ երկրում արբիտրաժի զարգացմանը։
ԵՊՀ թիմի կազմում են Իրավագիտության ֆակուլտետի ուսանողներ Անահիտ Ալոյանը, Թամարա Ղազարյանը, Յուրիկ Յոլյանը, Էրիկ Մանուկյանը, իսկ մարզիչները ԵՊՀ ասպիրանտներ Մանե Մարկոսյանն ու Դավիթ Ղարիբյանն են։
Այս տարի դատախաղի խնդրի նկատմամբ կիրառվում են Միջազգային առևտրային պալատի (International Chamber of Commerce) ընթացակարգային կանոնները: Հաշվի առնելով նշվածը՝ Պալատի հայկական կոմիտեն, ի դեմս կոմիտեի Արբիտրաժի հանձնաժողովի, հետևել է Հայաստանում ընկերական խաղերին և խոսնակներից ԵՊՀ ուսանող Էրիկ Մանուկյանին ցուցաբերած լավ խաղի համար շնորհել նվեր՝ կոմիտեին մեկ տարվա անդամակցության տեսքով, իսկ խոսնակներից ԵՊՀ ուսանող Անահիտ Ալոյանը ստացել է ամենաբարձր միավորները՝ բանավոր ներկայացուցչության համար:
Արդեն 31 տարի անընդմեջ կազմակերպվող Vis Moot դատախաղը արբիտրաժի և մասնավոր իրավունքի ոլորտում աշխարհի ամենահեղինակավոր դատախաղն է, որը համախմբում է մասնագիտական հանրույթին, ներգրավում ոլորտի իրավաբանների, հեղինակավոր պրոֆեսորների և ուսանողների։ Դատախաղի կազմակերպումը կարևորում է Արբիտրաժի և հաշտարարության հայաստանյան կենտրոնը՝ համարելով, որ այն ուղղված է Հայաստանում արբիտրաժի զարգացմանն ու տարածմանը։
