March 12, 2024 | 16:31
Education
Society
Competitions
Summarizing the results of Informatics Olympiad held at YSU: winners announced
The republican stage of Olympiad in Informatics was held at YSU Faculty of Informatics and Applied Mathematics. The aim of the Olympiad, which is held every year, is to develop interest in the subject among schoolchildren, to identify students with extraordinary abilities in the field, as well as to strengthen the university-school connection.
Ի տարբերություն առարկայական մյուս օլիմպիադաների՝ ինֆորմատիկայի օլիմպիադան անցկացվում է տարիքային 2 խմբի՝ 6-9-րդ և 10-12-րդ դասարանցիների համար՝ առցանց ձևաչափով: Թե՛ դպրոցական, թե՛ մարզային ու հանրապետական փուլերի թեստերը կազմում են ԵՊՀ մասնագետները՝ հանձնաժողովի նախագահ, Ինֆորմատիկայի և կիրառական մաթեմատիկայի ֆակուլտետի Ծրագրավորման և ինֆորմացիոն տեխնոլոգիաների ամբիոնի ասիստենտ Արմեն Անդրեասյանի ղեկավարությամբ: Հանձնաժողովում ընդգրկված են նաև ֆակուլտետի մեկ ասպիրանտ և երեք ուսանող: «Ինֆորմատիկա» առարկայի հանրապետական փուլին այս տարի մասնակցեցին 39 աշակերտներ ՀՀ 10 մարզերից և Երևանից: Նրանցից 3-ն արժանացան առաջին, 5-ը՝ երկրորդ, 8-ը երրորդ կարգի դիպլոմների, ևս 8-ը՝ գովասանագրերի:
«Ինֆորմատիկայի օլիմպիադաների կազմակերպման գործառույթը հենց սկզբից ստանձնել է ԵՊՀ-ն և մեծ պատվով շարունակում է կատարել: Օլիմպիադան չափազանց կարևոր է հատկապես տեղեկատվական այս դարաշրջանում, երբ համակարգչային գիտելիքներն ու հմտությունները դարձել են շատ խնդիրների լուծման բանալի: Օլիմպիադայի միջոցով նաև առանձնանում են հարուստ գիտելիքներ և մեծ հեռանկար ունեցող աշակերտները, ինչն էլ դառնում է որակյալ կադրերի պատրաստման հիմք»,- պատմեց Արմեն Անդրեասյանը:
Օլիմպիադայի հանրապետական փուլին յուրաքանչյուր տարի մասնակցում են շուրջ չորս տասնյակ աշակերտներ, որոնցից լավագույններից էլ ընտրվում են միջազգային օլիմպիադաների մասնակիցներ: Այս տարի ևս մրցանակային տեղեր զբաղեցրած աշակերտները վերապատրաստվելուց հետո կմասնակցեն միջազգային օլիմպիադաների:
Արմեն Անդրեասյանը նշեց, որ ինֆորմատիկայի ուղղությամբ դպրոցականների համար անցկացվում է միջազգային մի քանի օլիմպիադա: Դպրոցական ամենահայտնի օլիմպիադան IOI (International Olympiad in Informatics)-ն է, որին Հայաստանը մասնակցում է 1996 թվականից: Այս տարի օլիմպիադան կայանալու է սեպտեմբերի 1-ին Եգիպտոսում: Այդ օլիմպիադային մասնակցում են աշխարհի ավելի քան 90 երկրներ, յուրաքանչյուր երկրից՝ 4 մասնակից: Մյուս օլիմպիադան կրտսեր տարիքային խմբի աշակերտների՝ 6-9-րդ դասարանցիների համար է։ 2021 թվականից անցկացվում է նաև աղջիկների համար օլիմպիադա, որն անցկացնելու վերաբերյալ կայացվեց որոշում, քանի որ շախմատի նման ինֆորմատիկայի բնագավառում ևս աղջիկների մասնակցությունը համեմատաբար քիչ է։
Հավելենք, որ «Ինֆորմատիկա» առարկայի օլիմպիադայի հանրապետական փուլն անցկացվել է մարտի 9-ին: Մասնակիցների և մրցանակակիրների անվանացանկը՝ հղումով:
