Regional Director of Francophonie University Agency hosted at YSU

Yerevan State University Rector Hovhannes Hovhannisyan received Laure Kasten, the newly appointed Director of the Central and Eastern Europe Regional Office of the Francophonie University Agency, during her official visit to Yerevan. They discussed initiatives to expand bilateral cooperation.

Հանդիպմանը ներկա էին նաև Ֆրանկոֆոնիայի համալսարանական գործակալության հայաստանյան ներկայացուցչության տնօրեն Ռուզաննա Ղանթաղչյանը, ԵՊՀ ֆրանսիական բանասիրության ամբիոնի վարիչ Գայանե Սարգսյանը, որը նաև ԵՊՀ և Ֆրանկոֆոնիայի համալսարանական գործակալության Երևանյան գործակալության համակարգողն է, ԵՊՀ միջազգային համագործակցության վարչության առաջատար մասնագետ Հայկուհի Մկրտչյանը։

Հանդիպման ժամանակ Լոր Կաստենը շեշտեց, որ գործակալության նպատակն է աջակցել ֆրանկոֆոն համալսարանների միջև համագործակցությանը, նախագծերի իրականացմանը, ինչպես նաև ֆրանկոֆոնիայի զարգացմանը տարածաշրջանում։

«Ֆրանկոֆոնիայի համալսարանական գործակալության հետ մեր համագործակցությունն ընձեռում է հնարավորություններ՝ ընդլայնելու ուսանողների և դասախոսների գիտելիքներն ու հմտությունները: Համատեղ կրթական և հետազոտական ծրագրերը, կրկնակի դիպլոմների նախաձեռնություններն ու շարժունության հնարավորությունները կամրապնդեն մեր համալսարանի դիրքերը և կնպաստեն գիտակրթական միջավայրի զարգացմանը»,- նշեց ռեկտոր Հովհաննես Հովհաննիսյանը։

Լոր Կաստենի հետ քննարկվեցին ԵՊՀ ֆրանսախոս ուսանողների և դասախոսների շարժունության ծրագրերի, ֆրանկոֆոն համալսարանների հետ մագիստրոսական ծրագրերում կրկնակի դիպլոմների ներդրմանն առնչվող, ինչպես նաև դոկտորանտուրայի շրջանակում համագործակցության հնարավորությունների վերաբերյալ հարցեր։