ՖԻԶԻԿՈՍՆԵՐՆ ԱՅՑԵԼԵԼ ԵՆ ՆՈՐ ՀԱՃՆԻ ԱՎԱԳ ԴՊՐՈՑ
Այսօր Նոր Հաճնի ավագ դպրոց են այցելել Ֆիզիկայի ֆակուլտետի դեկան Ռաֆիկ Հակոբյանը և չորս ուսանող: Այցն իրականացվել է Ընդունելության և դիմորդների հետ տարվող աշխատանքների կենտրոնի հետ գործակցությամբ:
![visit-to-high-school](/sites/default/files/styles/large_slide/public/migrated/images/dI4pEqcFppEUSmmxtVhIa1lyyn.jpg?h=bccd1fa5&itok=N-X6Xe9p)
ԵՊՀ առաջինկուրսեցիներ Լիլիա Ազարյանի և Արտուշ Հովհաննիսյանի համար սա նաև այց էր հարազատ դպրոց:
«Ֆիզիկայի նորություններն աշխարհում, և նոր մասնագիտությունները Ֆիզիկայի ֆակուլտետում» խորագրով դասախոսության ընթացքում Ռ. Հակոբյանն անդրադարձել է բնագավառի խնդիրներին և լուծման ուղիներին: Նա աշակերտներին ներկայացրել է նաև «Հեղուկ բյուրեղային ալիքաթիթեղներ էկզոմոլորակների դիտման համար» թեման:
Ըստ դեկանի՝ ֆիզիկոսների պահանջարկը Հայաստանում և ամբողջ աշխարհում ավելանում է: Ներկայացնելով ֆակուլտետի գործունեությունը՝ վերջինս նշել է, որ հմուտ մասնագետների շնորհիվ ուսանողները ստանում են որակյալ կրթություն և կարողանում իրենց տեղը գտնել աշխատաշուկայում:
Թեմատիկ զրույցից հետո Ռաֆիկ Հակոբյանը պատասխանել է աշակերտներին հետաքրքրող հարցերին։