«ՄՈՏԻՎԱՑԻԱՅԻ ԴԵՐՆ ՈՒ ՆՇԱՆԱԿՈՒԹՅՈՒՆԸ ԿՐԹԱԿԱՆ ՈԼՈՐՏՈՒՄ» ԽՈՐԱԳՐՈՎ ՍԵՄԻՆԱՐ-ՔՆՆԱՐԿՈՒՄ ԵՊՀ-ՈՒՄ

Սեմինարի ընթացքում բանախոսը ներկայացրեց այն քայլերը, որոնց օգնությամբ մոտիվացիայից պետք է անցնել գործելուն ու հաջողել:

Ինտերակտիվ հանդիպման ընթացքում անդրադարձան հետևյալ հարցերին.

ի՞նչ է մոտիվացիան,

ինչպես գտնել մոտիվացիա,

որո՞նք են մոտիվացիայի փուլերը,

ինչպե՞ս դադարել մոտիվացվելուց և սկսել ճիշտ գործել:

«Համալսարանական կյանքն ու ակադեմիական գիտելիքները հիմք են՝ հաջողության հասնելու համար»,- նկատեց Դ. Մեջլումյանը:

Մեզ հետ զրույցում ֆակուլտետի ՈՒԳԸ նախագահ Մարիամ Տաշյանն ասաց. «Ֆակուլտետում նմանատիպ հանդիպումներ պետք է պարբերաբար կազմակերպվեն: Կարծում եմ՝ այս շրջանում ուսանողները կորցրել էին իրենց մոտիվացիան՝ պայմանավորված առցանց անցկացվող դասերով: Սա լավ հնարավորություն է՝ մոտիվացվելու և գործի անցնելու համար»:

Բանախոս Դավիթ Մեջլումյանի հետ սեմինար-քննարկումը կազմակերպել էր ԵՊՀ աշխարհագրության և երկրաբանության ֆակուլտետի ՈՒԳԸ-ն: