Արդշինբանկ

Հիմնադրվել է 2002 թ.։ Սկզբնապես բանկն անվանվել է «Արդշինինվեստբանկ» ՓԲԸ։ 2003 թ. ձեռք է բերել «Արդշինբանկ» ԲԲԸ և «Հայագրոբանկ» ՓԲԸ ակտիվների և պարտավորությունների զգալի մասը դրանց մասնաճյուղային ցանցի հետ միասին։ 2014 թ. բանկը վերանվանվել է «Արդշինբանկ» ՓԲԸ։ Այն ընդգրկված է Հայաստանի լավագույն բանկերի եռյակում։

Արդշինբանկը Հայաստանում միակ մասնավոր կառույցն է, որն ունի միջազգային երեք վարկանիշ՝ S&P Global Ratings, Moody’s և Fitch Ratings։

Բանկը արժեթղթերի շուկայի մասնակից է՝ Հայաստանի Հանրապետության կենտրոնական բանկի, ֆինանսների և էկոնոմիկայի նախարարության և Արդշինինվեստբանկի միջև կնքված անժամկետ եռակողմ պայմանագրերի համաձայն: Այն նաև պետական պարտատոմսերի շուկայի գործակալ է։ Առաջին բանկն է Հայաստանում, որը թողարկել է 100 մլն ԱՄՆ դոլարի եվրոպարտատոմսեր (RegS/144A ֆորմատներով)։

«Արդշինբանկը» Հայաստանի բանկերի միության, Հայ-վրացական գործարար համագործակցության ասոցիացիայի, «Հայաստանի ֆոնդային բորսա» ԲԲԸ, ՀՀ կենտրոնական դեպոզիտարիայի հաշվարկային համակարգի անդամ է, MasterCard/Europay միջազգային վճարային համակարգի փոխկապակցված անդամ, VISA International միջազգային վճարային համակարգի լիիրավ անդամ, SWIFT միջազգային ֆինանսական հեռահաղորդակցության համակարգի, «ArCa» պրոցեսինգային ընկերության լիիրավ անդամ և բաժնետեր։

Բանկն ունի ամենաընդլայնված մասնաճյուղային ցանցը Հայաստանում՝ 65 մասնաճյուղ Երևանում և Հայաստանի մարզերում, մեկ ներկայացուցչություն Փարիզում։

Աշխատակիցների թիվը 31.12.2022 թ․ դրությամբ՝ 1514։

Առաքելությունը

Նպաստել ազգային տնտեսության զարգացմանը, ինչպես նաև լինել առաջին ընտրության բանկ և գործատու:

Տեսլականը

Լինել ֆինանսական շուկայում առաջատար և արդիական բանկ՝ բիզնեսի և անհատների հետ կառուցելով երկարաժամկետ կայուն հարաբերություններ բարձրորակ և համալիր ծառայությունների մատուցման միջոցով:

Արժեքներն են՝

• որակը,
• վստահելիությունը,
• հասանելիությունը,
• արդիականությունը,
• արդյունավետությունը,
• պատասխանատվությունը:

Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.ardshinbank.am։

Ֆեյսբուքյան էջ՝ www.facebook.com/ardshinbank