Հայաստանում Էրազմուս+ ազգային գրասենյակը հիմնադրվել է 2015 թ․:
Կազմակերպության գործունեությունը միտված է Հայաստանում կրթության ոլորտի զարգացմանը:
«Էրազմուս+»-ը ԵՄ կրթության, վերապատրաստման, երիտասարդության և սպորտի ամենամեծ ծրագիրն է։ Հայաստանում Էրազմուս+ ազգային գրասենյակն իրականացնում է «Էրազմուս+» ծրագրի միջազգային բարձրագույն կրթության ու մասնագիտական կրթության և ուսուցման (ՄԿՈՒ) հատվածին առնչվող, աջակցող, խթանող և տեղեկությունների տարածմանը միտված բոլոր գործողությունները:
Հայաստանում Էրազմուս+ ազգային գրասենյակի գլխավոր առաքելությունն է․
- տարածել տեղեկություն «Էրազմուս+» ծրագրի միջազգային բարձրագույն և միջին մասնագիտական կրթության հատվածի այն գործողությունների և միջոցառումների մասին, որոնք անհրաժեշտ են ՀՀ քաղաքացիներին և կազմակերպություններին մասնակցության համար,
- աջակցել և իրազեկել պոտենցիալ հայտատուներին և շահակիցներին,
- նպաստել համագործակցությանը և աջակցել լավագույն փորձի փոխանակմանը Հայաստանում ընթացող «Էրազմուս+»-ի ծրագրերի, ինչպես նաև հասարակության այլ շահառու կողմերի միջև,
- աջակցել և ուղղորդել «Էրազմուս+»-ի բարձրագույն և միջին մասնագիտական կրթության ընթացիկ և նոր ծրագրերի իրականացումը Հայաստանում և նպաստել դրանց արդյունքների կայունությանը։
ԵՊՀ-ն մասնակցել է և այժմ էլ ընդգրկված է «Էրազմուս+» ծրագրի տարբեր գործողությունների շրջանակում ֆինանսավորված մի շարք նախագծերում։ Այդ գործողություններն են՝
- միջազգային կրեդիտային շարժունություն,
- բարձրագույն կրթության ոլորտում կարողությունների զարգացում,
- «Ժան Մոնե» գործողություններ,
- «Էրազմուս Մունդուս» մագիստրոսական համատեղ ծրագրեր։
Հայաստանում Էրազմուս+ ազգային գրասենյակը պարբերաբար կազմակերպում է տարաբնույթ միջոցառումներ, մասնակցում կրթական ցուցահանդեսների, որոնց կազմակերպական և մասնակցության աշխատանքներում ներգրավվում են ակտիվ, նախաձեռնող և ծրագրին քաջատեղյակ կամավորներ։
Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.erasmusplus.am։
Ֆեյսբուքյան էջ՝ www.facebook.com/neoarm
Թվիթերյան էջ՝ www.twitter.com/ErasmusArmenia
Յութուբյան ալիք՝ www.youtube.com/@erasmusplusarmenia
