«ԿԱԶԱ»-ն (ֆր.՝ «Կոմիտաս Շվեյցարիա – Հայաստան Բարեգործական միություն») հիմնադրվել է 1997 թ․ վերջին՝ Սիրվարդ Գազանճեանի ղեկավարած շվեյցարական «Կոմիտաս» երգչախմբի՝ Հայաստանում ունեցած համերգներից հետո: Շվեյցարիայում այն գրանցված է իբրև միություն, իսկ Հայաստանում՝ որպես հիմնադրամ (2001 թ․):
«ԿԱԶԱ»-ն աջակցում է իրենց երկրի կայուն զարգացմանը հետամուտ հայերին, որոնք, ժողովրդավարության սկզբունքներին համապատասխան, ներգրավվում են Հայաստանի տնտեսական, հասարակական և մշակութային կյանքում: Հիմնադրամը գործունեության 25 տարիների ընթացքում ծրագրեր է իրականացրել 5 ոլորտում՝ մարդասիրական, կրթական, զբոսաշրջային, գյուղատնտեսական, շինարարական:
2009 թվականից ի վեր հիմնադրամը շեշտը դնում է կրթական և վերապատրաստման առկա և հեռավար ծրագրերի վրա՝ ոչ ֆորմալ մեթոդների միջոցով՝ նպատակ ունենալով նպաստելու քաղաքացիական հասարակության առաջխաղացմանը՝աջակցելով ուսուցանողներին և ուսուցիչներին: Մասնավորապես՝ հիմնադրամը մշակել է հեռավար դասընթաց իր էլեկտրոնային ուսուցման հարթակում «Moodle» ծրագրաշարի միջոցով, ինչպես նաև ստեղծել է ուսուցողական խաղեր:
Իր ստեղծման օրվանից հիմնադրամն իր ուժերը ներդնում է մարդակենտրոն զբոսաշրջության զարգացման ուղղությամբ՝ միտված Հայաստանի մշակութային և մարդկային հարստությունների բացահայտմանը: Ինչպես նաև հիմնադրամը պատրաստել է ավելի քան 300 զբոսավար:
Այժմ հիմնադրամն իրականացնում է սոցիալական ձեռներեցության ծրագիր։
Իր առաքելությունն իրականացնելու համար «ԿԱԶԱ»-ն ստեղծել է «Էսպաս» կրթամշակութային կենտրոնը Երևանում (2001 թ․) և «ԿԱԶԱ Գյումրի» սոցիալ-ուսուցողական և զարգացման կենտրոնը՝ Գյումրիում (2006 թ․):
«ԿԱԶԱ» հիմնադրամի «Հիրշման» կրթաթոշակային ծրագրի շրջանակում հիմնադրամը համագործակցում է ԵՊՀ շրջանավարտների և կարիերայի կենտրոնի հետ։ Ծրագիրն իրականացվում է 2021 թվականից ի վեր, և նրա նպատակն է ապահովել անխափան ուսումնառություն Երևանի և Գյումրիի բուհերում սովորող 30-40 (տարեկան) երիտասարդների համար, ինչպես նաև հնարավորություն ընձեռել նրանց մասնակցելու Հայաստանի համայնքների զարգացմանը՝ կյանքի կոչելով իրենց իսկ նախաձեռնած փոքրիկ ծրագրերը։ Մանրամասները՝ այստեղ:
Հիմնադրամն առաջարկում է կամավորական աշխատանքի հնարավորություն․ հետևյալ ոլորտներում․
- կրթություն,
- սոցիալական ձեռներեցություն,
- զբոսաշրջության զարգացում,
- քաղաքացիական կրթություն։
Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.kasa.am։
Ֆեյսբուքյան էջ՝ www.facebook.com/KASAFondationHumanitaireSuisse
Վարչական գրասենյակ
Հասցե՝ ՀՀ, ք. Երևան, Թումանյան փող., 24 շենք, բն․ 5
Հեռ.՝ (+374 10) 584 032
Էլհասցե՝ kasaam@kasa.am
«Էսպաս» կենտրոն
Հասցե՝ ՀՀ, ք. Երևան, Նալբանդյան 29
Հեռ.՝ (+374 10) 541 844
Էլհասցե՝ espaces@kasa.am
«ԿԱԶԱ» Գյումրի
Հասցե՝ ՀՀ, ք. Գյումրի, Շահումյան 69
Հեռ.՝ (+374 312) 5-65-28
Էլհասցե՝ kasa.gumri@kasa.am
