ՀԲԸՄ հայկական վիրտուալ համալսարան

Ուսուցումն իրականացվում է առցանց, ճկուն ժամանակացույցով, իսկ դասընթացները հասանելի են տարբեր մակարդակներով և դասավանդման յոթ լեզուներով (արևելահայերեն և արևմտահայերեն, անգլերեն, ռուսերեն, ֆրանսերեն, իսպաներեն, թուրքերեն)։ Դրանք են՝

• արևելահայերեն,
• արևմտահայերեն,
• հայոց պատմություն,
• ներածություն հայկական ճարտարապետության,
• ներածություն հայկական երաժշտության,
• շախմատ։

Մասնակցության ձևը. անհատ ուսանող, ունկնդիր կամ «Ազատ դասընթացներ» ծրագրի մասնակից։

Տևողությունը (մեկ դասընթացը)՝ 8 շաբաթ (կանոնավոր ընթացք/regular) կամ 16 շաբաթ (երկարատև ընթացք/slow mode):

Դասընթացներին հնարավոր է մասնակցել՝ գրանցվելով ՀԲԸՄ ՀՎՀ-ի կայքէջում՝ www.avc-agbu.org (գրանցվելու ուղեցույցը՝ https://youtu.be/N4js-JTyFzM)։

ՀՎՀ-ի հիբրիդ (խառը) կրթության ծրագիրը համատեղում է ավանդական և առցանց կրթությունը: Ինտերակտիվ ուսուցման այս մեթոդի շնորհիվ դպրոցները, համալսարանները և համայնքային կենտրոնները հնարավորություն ունեն լրացնելու կրթական առկա ծրագրերի բացը կամ հարստացնելու այդ ծրագրերը նորագույն տեխնոլոգիաներով հագեցած մուլտիմեդիա ռեսուրսներով:

Անվճար ներբեռնեք և ընթերցեք ՀԲԸՄ ՀՎՀ-ի մուլտիմեդիա էլեկտրոնային գրքերը` հասանելի յոթ լեզուներով։

ՀԲԸՄ ՀՎՀ-ի ուսանողները հնարավորություն ունեն յուրաքանչյուր դասընթացի համար ստանալու կրեդիտներ, վկայական, դիպլոմ, ինչպես նաև մագիստրոսի կոչում։

Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.avc-agbu.org

Ֆեյսբուքյան էջ՝ www.facebook.com/OnlineArmenianEducation