2022 թ. դեկտեմբերի 16-ին Հայաստանի Հանրապետության Ազգային ժողովն ընդունեց ներքին գործերի նախարարություն (ՆԳՆ) ստեղծելու վերաբերյալ օրենսդրական փաթեթը: Հայաստանի միգրացիոն ծառայության և ոստիկանության անձնագրային և վիզաների վարչության հիմքով ՆԳՆ կազմում ձևավորվեց միգրացիայի և քաղաքացիության ծառայությունը (ՄՔԾ)։
Ծառայության հիմնական գործառույթներն են՝
- ՀՀ քաղաքացիության հարցեր,
- օտարերկրացիների հաշվառումը Հայաստանում,
- անձնագրային ծառայություններ,
- բնակչության պետական ռեգիստրի վարում:
Ներկայում երկու գերատեսչությունների վերակազմավորման անցումային փուլն է. հանրային ծառայությունների մատուցումը քաղաքացիներին և օտարերկրացիներին շարունակվում է առանց փոփոխությունների:
Ծառայության նոր կառուցվածքը և կանոնադրությունը կընդունվեն ընթացիկ տարվա վերջում:
ՄՔԾ-ում պաշտոն զբաղեցնելու հավակնորդները պետք է անցնեն վերապատրաստման դասընթաց՝ հանձնելով գիտելիքի ստուգման քննություն, այն հաղթահարելու պարագայում՝ նաև հարցազրույց։
Ներկայում ծառայությունում առկա են չհամալրված հաստիքներ, որոնք համալրելու հավակնություն ունեցող թեկնածուները պետք է անցնեն հարցազրույց։
Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.migration.am և www.avv.police.am:
Ֆեյսբուքյան էջ՝ www.facebook.com/armenia.ms
