«Դասավանդի՛ր, Հայաստան»-ը կրթական հիմնադրամ է, որի առաքելությունն է խթանել նվիրյալ առաջնորդների համազգային շարժումը՝ հանուն Հայաստանի և Արցախի բոլոր երեխաների կրթական հնարավորությունների ընդլայնման։
«Դասավանդի՛ր, Հայաստան»-ի առաջնորդության զարգացման երկամյա ծրագիրը միտված է կրթական հավասարության և երիտասարդների կարողությունների հզորացմանը։ Ծրագիրը բացառիկ հնարավորություն է ընձեռում երիտասարդներին՝ նպաստելու Հայաստանում և Արցախում կրթության որակի բարձրացմանն ու գյուղական համայնքների զարգացմանը՝ զուգահեռաբար ստանալու անձնային աճի բազում հնարավորություններ, այդ թվում՝
➢ առաջնորդական հմտությունների զարգացում և վերապատրաստող մասնագետների շարունակական աջակցություն,
➢ գործընկեր կազմակերպություններում մասնագիտական զարգացման հնարավորություններ,
➢ մանկավարժի որակավորման մագիստրոսի աստիճանի ձեռքբերման համար ուսման վարձի վճարում,
➢ ամսական ֆինանսական աջակցություն համայնքում բնակություն հաստատելու և կենցաղային կարիքները հոգալու համար,
➢ «կրթության հավասարության դեսպան» դառնալու հնարավորություն,
➢ «Կայծ» ինկուբատորի ֆինանսավորմամբ ստարտափներ իրականացնելու հնարավորություն։
Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.teachforarmenia.org։
Ֆեյսբուքյան էջ՝ www.facebook.com/TeachForArmenia
