Ընդունելության կարգ
2025-2026 ուսումնական տարում ընդունելությունը կատարվելու է մարտ-մայիս ամիսներին։
Դպրոցի ընդունելությունն իրականացվում է հետևյալ փուլերով․
1․ Դիմում-հայտերի ընդունում
Դպրոց կարող են ընդունվել և՛ ՀՀ, և՛ օտարերկրյա դիմորդները։
ԵՊՀ ՍԹԵՄ ավագ դպրոցի դիմում-հայտերն ընդունվում են առցանց՝ admission.ysu.am կայքէջի միջոցով։
Դիմում-հայտը լրացնելուց առաջ խնդրում ենք ծանոթանալ պահանջվող փաստաթղթերի ցանկին։
2․ Գրավոր փուլ
ՍԹԵՄ (բնագիտամաթեմատիկական) ուղղության համար դիմորդներն ընտրում են բնագիտական առարկաներից («Ֆիզիկա», «Մաթեմատիկա», «Քիմիա», «Կենսաբանություն») որևէ մեկը և հանձնում մեկ գրավոր քննություն (առարկայի ընտրությունը կատարում է դիմորդը)։
Նախորդ տարվա քննաթերթիկները՝ ստորև․
«Մաթեմատիկա», «Ֆիզիկա», «Քիմիա», «Կենսաբանություն»:
Հասարակագիտական (հումանիտար) ուղղության համար դիմորդները ընտրում և հանձնում են մեկ գրավոր քննություն՝ «Հայոց լեզու և գրականություն» կամ «Անգլերեն» (առարկայի ընտրությունը կատարում է դիմորդը)։
Քննաթերթիկների ձևանմուշները՝ ստորև․
«Հայոց լեզու և գրականություն», «Անգլերեն»:
3․ Բանավոր փուլ
Գրավոր փուլը հաջողությամբ հաղթահարած դիմորդը մասնակցում է ընդհանուր իմացության գիտելիքի ստուգման հարցազրույցին։
Հանրապետական առարկայական օլիմպիադաների մրցանակակիրների և միջազգային առարկայական օլիմպիադաների (համաձայն համապատասխան բնագավառների) մասնակիցների ընդունելությունը կազմակերպվում է առանց քննության։
Դպրոցի՝ յուրաքանչյուր տարվա ընդունելության մեկնարկի մասին տեղեկությունները հրապարակվում են դպրոցի կայքէջում և տեղեկատվական հարթակներում (2024-2025 ուստարվա ընդունելության մանրամասների մասին տեսանյութը՝ այստեղ)։
