Երևանի պետական համալսարանում, կրթական գործընթացներին զուգահեռ, մեծ ուշադրություն է դարձվում նաև ուսանողների արտալսարանային կյանքին:
ՀՀ անկախության այս վերջին շրջանում ԵՊՀ մշակութային կյանքը նոր վերելք ապրեց. 2006 թ․ հունիսին ԵՊՀ գիտխորհրդի որոշմամբ ստեղծվեց մշակույթի կենտրոնը, որի առաջնահերթ նպատակներն էին բուհի մշակութային կյանքի, համալսարանականների շրջանում անցկացվող մշակութային միջոցառումների համակարգումը, ինչպես նաև ԵՊՀ-ում գործող կառույցների կազմակերպած միջոցառումների համախմբումն ու դրանց որակական չափանիշների ապահովումը: Այս նպատակներն իրականացնելու նպատակով արհեստավարժ ղեկավարների միջոցով կազմավորվեցին մշակութային բազմաբնույթ համույթներ, որոնց աշխատանքներում ներգրավվեցին ստեղծագործող և շնորհալի ուսանողներ, դասախոսներ:
Թատրոն-ստուդիա ընդունվելու համար ուսանողները մասնակցում են հատուկ մրցույթ-ստուգատեսի, որի ժամանակ ընտրվում են դերասանական ձիրք ունեցող ուսանողները:
«Համալսարանական» թատրոն-ստուդիայի գեղարվեստական ղեկավարն ու բեմադրիչն է ռեժիսոր Կարինե Դավթյանը:
Երգչախումբն իր գործունեության ընթացքում ներկայացրել է շուրջ վեց տասնյակ երգեր: ԵՊՀ երգչախմբի պարապմունքներին մասնակցում են ԵՊՀ տարբեր ֆակուլտետների ուսանողները։ ԵՊՀ երգչախմբի խմբավարն է բազմաթիվ մրցույթների դափնեկիր Ռուբեն Կարասեֆերյանը, իսկ գեղարվեստական ղեկավարը՝ ՀՀ վաստակավոր արտիստ Կարեն Սարգսյանը:
Պարային համույթում ընդգրկվելու համար ուսանողները մասնակցում են մրցույթ-ստուգատեսների, որի արդյունքում ընտրվում են այն ուսանողները, որոնք ունեն պարային ունակություններ:
ԵՊՀ պարային համույթի գեղարվեստական ղեկավարն է Անի Հարոյանը:
Խմբի պարապմունքները տեղի են ունենում շաբաթական երկու օր՝ 2 ժամ տևողությամբ:
Բենդի գեղարվեստական ղեկավարն է հանրահայտ երաժիշտ, կոմպոզիտոր, գործիքավորող Արթուր Հակոբյանը։
Հաշվի առնելով կինոյի ազդեցության մեծ ուժը նոր սերնդին մշակութային բարձր ճաշակ թելադրելու գործում և այն հանգամանքը, որ ներկայում թյուրըմբռնում կա կինոյի վերաբերյալ՝ ԵՊՀ Շառլ Ազնավուրի անվան մշակույթի կենտրոնը 2009 թ. ստեղծեց կինոակումբ, որտեղ հնարավոր կլինի ծանոթանալ կինոյի այնպիսի գոհարներին, որոնք իրական պատկերացում կարող են տալ կինոարվեստի ընկալման վերաբերյալ:
Նախաձեռնող, իրագործող, կամավոր երիտասարդների («ՆԻԿԵ» ) ջոկատ:
Ջոկատում ընդգրկված են ԵՊՀ տարբեր ֆակուլտետներում սովորող այն ուսանողները, որոնք համաձայնել են կամավոր սկզբունքով աջակցել մշակույթի կենտրոնի տարատեսակ աշխատանքներին:
Երիտասարդ ստեղծագործողների խմբում ներգրավված են գրականության, կերպարվեստի լուսանկարչության և կիրառական արվեստի ուղղությամբ ստեղծագործող տաղանդավոր ուսանողները, որոնց ստեղծագործությունները պարբերաբար ներկայացվում են մրցույթներում և փառատոներում: Կազմակերպվում են վարպետության դասեր ոլորտի մասնագետների հետ:
Կենտրոնի տնօրեն՝ Կարինե Դավթյան
Հասցե` ԵՊՀ կենտրոնական մասնաշենք, 6-րդ հարկ, 603 սենյակ
Հեռ.` (+374 60) 710 183, (+374 60) 710 184 (ներքին՝ 11-83, 11-84)
Էլհասցե՝ culturecenter@ysu.am
