Մանկավարժության և կրթության զարգացման կենտրոն

Երևանի պետական համալսարանի մանկավարժության և կրթության զարգացման կենտրոնը հիմնադրվել է 2017 թ. հուլիսի 19-ին։ Կենտրոնում գործում է մանկավարժության ամբիոնը, որը ԵՊՀ հնագույն ամբիոններից է։ Այն հիմնադրվել է 1921 թ. հոկտեմբերի 10-ին ժամանակի տաղանդավոր գիտնական-մանկավարժների նախաձեռնությամբ և ջանքերով: Մանկավարժության ամբիոնի կայացման ու գիտամանկավարժական աշխատանքների կազմակերպման ու զարգացման գործում իրենց ծանրակշիռ ներդրումն են ունեցել ճանաչված գիտնական-մանկավարժներ, որոնց թվում՝ ամբիոնի հիմնադիր վարիչ, պրոֆեսոր Գուրգեն Էդիլյանը։

Կենտրոնում գործում է ուսուցման եռաստիճան համակարգ՝ բակալավրիատական, մագիստրոսական և ասպիրանտական։

Image

Բացի իր առաջարկած կրթական ծրագրերից՝ կենտրոնը ԵՊՀ մի քանի ֆակուլտետում գործարկում է մանկավարժի որակավորման շնորհման նոր համակարգը, որը բուհում ներդրվել է 2016-2017 ուստարում։ Մանկավարժի որակավորման լրացուցիչ կրթաբլոկի ներդրման արդյունքում ուսանողները, բացի մասնագիտական որակավորումից, ստանում են նաև մանկավարժի որակավորում՝ ԿԳՄՍ նախարարության կողմից հաստատված մանկավարժի որակավորման շնորհման «240+30» կրեդիտ նոր համակարգով։ 

Կարդալ ավելին